رەسەي ەسكەري ينجەنەرلەرٸ الەپپو ماڭىنداعى اۋداندا مينادان تازارتۋ جۇمىستارىن جٷرگٸزٸپ جاتىر. سيرييا, قاڭتار 2017 جىل.
بۇۇ ساراپشىلارى يراك پەن سيريياداعى كٶپ جىلدىق سوعىستا جاسىرىلعان مينالار, قولدان جاسالعان جارىلعىش زاتتار مەن جارىلماعان باسقا دا وق-دەرٸلەردٸ تازالاپ, زالالسىزداندىرۋعا 40-50 جىل ۋاقىت پەن ميللياردتاعان دوللار قارجى كەتەتٸنٸن مەلٸمدەدٸ.
بۇۇ-نىڭ مينيدان تازارتۋ قىزمەتٸنٸڭ ديرەكتورى اگنەس ماركايلۋدىڭ ايتۋىنشا, سوعىس شارپىعان ەكٸ ەلدٸ ەكٸنشٸ دٷنيەجٷزٸلٸك سوعىستان كەيٸنگٸ ەۋروپا سيياقتى جاساۋ ٷشٸن ونداعان جىل ۋاقىت قاجەت. بۇل تۋرالى ول 4 سەۋٸردە حالىقارالىق مينا قاۋپٸنەن حاباردار ەتۋ كٷنٸنە وراي ٶتكەن باسپاسٶز كونفەرەنتسيياسىندا ايتتى.
ماركايلۋ يراكتاعى "يسلام مەملەكەتٸ" ەكسترەميستٸك ۇيىمىنان قايتارىپ الىنعان تەرريتورييالاردى مينا, قارۋ-جاراق پەن جارىلعىش زاتتاردان تازارتۋ ٷشٸن جىلىنا 180 ميلليون دوللار, ونىڭ ٸشٸندە تەك موسۋل قالاسىنىڭ ٶزٸندە وسىنداي جۇمىستار جٷرگٸزۋگە جىلىنا 50 ميلليون دوللار جۇمساۋ كەرەك دەگەن بولجام جاسادى.
"ەكٸنشٸ دٷنيەجٷزٸلٸك سوعىستان كەيٸن فرانتسۋزدار, نەمٸستەر مەن بريتاندىقتاردىڭ ٶز جەرٸن ٶزٸ تازالاعانى سيياقتى يراك ٷكٸمەتٸنە دە ٶز پروبلەماسىمەن ٶزٸنٸڭ اينالىسۋىنا مٷمكٸندٸك بەرۋ قاجەت" دەدٸ ماركايلۋ. ول سونىمەن قاتار سيرييا تەرريتوريياسىن قايتادان قاۋٸپسٸز ەتۋ ٷشٸن "وراسان زور كٷش قاجەتٸن", بٸراق ونىڭ قارجى تابىلعاندا عانا جٷزەگە اساتىنىن ايتتى.
