بۇۇ باس اسسامبلەياسى رەسەي اننەكسييالاپ العان قىرىمدا ادام قۇقىقتارىنىڭ بۇزىلعانىن قاتاڭ ايىپتاپ, رەسەيدٸ تٷبەكتەگٸ "وككۋپاتسييا جاسايتىن كٷش" دەپ باعالايتىن قاراردى ماقۇلدادى, دەپ حابارلايدى "ۇلت اقپارات" ازاتتىققا سٸلتەمە جاساپ.
ۋكراينا مەن باسقا 30 ەل ۇسىنعان قاراردى 70 مەملەكەت قولدادى. 26 مەملەكەت, ونىڭ ٸشٸندە رەسەي, بەلارۋس, قازاقستان جەنە قىتاي قارارعا قارسى داۋىس بەردٸ. 36 مەملەكەت قالىس قالدى. ۋكراينانىڭ بۇۇ-داعى تۇراقتى ٶكٸلدٸگٸ قارار ۋكراينا مەن رەسەي اراسىندا قارۋلى قاقتىعىس بولعانىن راستايتىنىن جەنە مەسكەۋ 2014 جىلى اننەكسييالاپ العان تەرريتورييادا رەسەي زاڭدارىنىڭ شەكتەن تىس قولدانىلعانىن ايىپتايتىنىن ايتتى. ۋكراينانىڭ سىرتقى ٸستەر مينيسترٸ پاۆەل كليمكين "بۇل قارار - بۇۇ قابىلداعان «ەڭ قاتاڭ» قارارلارىنىڭ بٸرٸ" ەكەنٸن مەلٸمدەدٸ. «رەسەيگە قىسىم كٷشەيٸپ بارادى» دەپ جازدى كليمكين Twitter-دە. باس اسسامبلەيا قىرىمداعى ادام قۇقىقتارىنىڭ بۇزىلعانىن ايىپتايتىن العاشقى قارارىن بىلتىر قابىلداعان.
بۇۇ-داعى ۋكراين ديپلوماتتارى رەسەيدٸڭ بۇۇ-نا مٷشە مەملەكەتتەرگە قارارعا قارسى داۋىس بەرۋ نەمەسە قالىس قالۋ ٷشٸن «ٷلكەن قىسىم جاساعانىن» ايتتى. رەسەي قىرىمدىقتار 2014 جىلى ناۋرىزدا ٶتكەن رەفەرەندۋمدا رەسەيگە قوسىلۋعا داۋىس بەردٸ دەپ بٸلەدٸ. بٸراق حالىقارالىق قاۋىمداستىق ول رەفەرەندۋمدى زاڭسىز ٶتكٸزٸلدٸ دەپ, مويىنداماعان. ۋكراينانىڭ بۇۇ-داعى ٶكٸلدٸگٸ قارار رەسەي باسىپ العان تەرريتوريياداعى ۋكراينا ازاماتتارىن كٷشتەپ قولاستىنا الۋدى ايىپتاپ, زاڭسىز تۇتقىندا وتىرعان ۋكرايندىقتاردى بوساتۋعا شاقىراتىنىن ايتادى. قارار قىرىمداعى ادام قۇقىعىن بۇزۋدىڭ بارلىق تٷرٸن, ونىڭ ٸشٸندە «جٶنسٸز ۇستاپ, ازاپتاۋدى جەنە باسقا دا ادامشىلىققا جات ەرەكەتتەردٸ» دەرەۋ توقتاتۋعا ٷندەيدٸ.
