بۇۇ بوسقىندار ٸسٸ جٶنٸندەگٸ جوعارى كوميسسارى باسقارماسى (بجكب) اۋعانستانعا ٶزبەكستان ارقىلى گۋمانيتارلىق كٶمەك جٸبەرەدٸ, دەپ حابارلايدى قازاقپارات بۇۇ سايتىنا سٸلتەمە جاساپ.
بجكب ٶكٸلٸ بابار بالوح باسقارمانىڭ جٷزدەگەن مىڭ ٸشكٸ قونىس اۋدارۋشىلارعا قولداۋ كٶرسەتۋ ٷشٸن اۋعانستانمەن شەكارالاس ەلدەردە لوگيستيكالىق ورتالىقتار قۇرۋ ماقساتىندا جۇمىس ٸستەپ جاتقانىن ايتتى.
«تاياۋ ۋاقىتتا بجكب ٶزبەكستاننىڭ تەرمەز قالاسىنا گۋمانيتارلىق كٶمەك ارتىلعان ٷش ۇشاقتى جٸبەرەدٸ. كەيٸن ونى «حايراتون» شەكارالىق ٶتكٸزۋ بەكەتٸ ارقىلى مازاري-شاريفقا جەتكٸزەدٸ. بٸرٸنشٸ ۇشاق تەرمەزگە قازاننىڭ ورتاسىندا كەلەدٸ», - دەپ حابارلادى بۇۇ ٶكٸلٸ.
ونىڭ ايتۋىنشا, قولداۋعا مۇقتاج اۋعاندىقتار سانى 20 ملن ادامعا جەتكەن جەنە ول كٷن سايىن ارتىپ جاتىر. قازٸرگٸ ۋاقىتتا اۋعاندىق وتباسىلاردىڭ تەك 5%-ى ازىق-تٷلٸكپەن قامتىلعان, اۋعانستانداعى 5 جاسقا دەيٸنگٸ بالالاردىڭ جارتىسىنان كٶبٸ تاماقتى تويىپ ٸشە الماي جٷر جەنە اشتىق الدىندا تۇر.
