BUU Bosqyndar isi jónindegi joǵary komissary basqarmasy (BJKB) Aýǵanstanǵa Ózbekstan arqyly gýmanitarlyq kómek jiberedi, dep habarlaidy QazAqparat BUU saityna silteme jasap.
BJKB ókili Babar Baloh basqarmanyń júzdegen myń ishki qonys aýdarýshylarǵa qoldaý kórsetý úshin Aýǵanstanmen shekaralas elderde logistikalyq ortalyqtar qurý maqsatynda jumys istep jatqanyn aitty.
«Taiaý ýaqytta BJKB Ózbekstannyń Termez qalasyna gýmanitarlyq kómek artylǵan úsh ushaqty jiberedi. Keiin ony «Hairaton» shekaralyq ótkizý beketi arqyly Mazari-Sharifqa jetkizedi. Birinshi ushaq Termezge qazannyń ortasynda keledi», - dep habarlady BUU ókili.
Onyń aitýynsha, qoldaýǵa muqtaj aýǵandyqtar sany 20 mln adamǵa jetken jáne ol kún saiyn artyp jatyr. Qazirgi ýaqytta aýǵandyq otbasylardyń tek 5%-y azyq-túlikpen qamtylǵan, Aýǵanstandaǵy 5 jasqa deiingi balalardyń jartysynan kóbi tamaqty toiyp ishe almai júr jáne ashtyq aldynda tur.
