قاۋٸپسٸزدٸك كەڭەسٸنٸڭ تىعىز جۇمىس كەستەسٸ تۋرالى بۇۇ-نىڭ جاڭالىقتار قىزمەتٸندە ۇيىمنىڭ تٶراعاسى, بۇۇ-داعى قازاقستاننىڭ تۇراقتى ٶكٸلٸ قايرات وماروۆ ايتىپ بەردٸ, دەپ حابارلايدى "ۇلت اقپارات" بۇۇ جاڭالىقتار ورتالىعىنا سٸلتەمە جاساپ.
وسى ايدا ٶتەتٸن قاۋٸپسٸزدٸك كەڭەسٸنٸڭ وتىرىسىنا قازاقستان پرەزيدەنتٸ نۇرسۇلتان نازارباەۆ, قر سىرتقى ٸستەر مينيسترٸ قايرات ەبدٸراحمانوۆ جەنە ونىڭ رەسەيلٸك ەرٸپتەسٸ سەرگەي لاۆروۆ پەن ٶزگە دە رەسمي ٶكٸلدەر قاتىساتىن بولادى.
«ەۋ باستا, بٸز قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ بولىپ جٷرگەن كەزٸمٸزدە, ەر تٷرلٸ ەلدەردٸ بٷگٸنگٸ كٷنگٸ ٶزەكتٸ مەسەلەلەرٸ شەشٸمٸ تابىلاتىن ورتاق پلاتفورماعا بٸرٸكتٸرۋ, ىمىرالى نۇسقانى ٸزدەۋشٸ ەل رەتٸندە ٶز رٶلٸمٸزدٸ بەلگٸلەپ قويدىق», - دەيدٸ قايرات وماروۆ.
قاۋٸپسٸزدٸك كەڭەسٸندەگٸ قازاقستاننىڭ باسىم ۇستانىمى قازاقستان پرەزيدەنتٸنٸڭ بۇۇ قاۋٸپسٸزدٸك كەڭەسٸنە جولداعان «قاۋٸپسٸز, ەدٸل جەنە ٶركەندەگەن ەلەم قۇرۋ ٷشٸن جاھاندىق ەرٸپتەستٸكتٸ نىعايتۋ جٶنٸندەگٸ قازاقستاننىڭ تۇجىرىمدامالىق كٶزقاراسى» ساياسي ٷندەۋٸندە دە تۇجىرىمدالىپ, بەلگٸلەنگەن بولاتىن.
«قازاقستان پرەزيدەنتٸنٸڭ ساياسي ٷندەۋٸ قاۋٸپسٸزدٸك كەڭەسٸنٸڭ رەسمي قۇجاتىنا اينالىپ, كەڭەس مٷشەلەرٸنە تاراتىلدى. سوندىقتان, بٸز بٷگٸن دەل وسى باسىمدىقتاردى ۇستانامىز», - دەدٸ قايرات وماروۆ قاڭتار ايىندا.
قازاقستاننىڭ باستاماسىمەن بۇۇ-نىڭ تاريحىندا قاۋٸپسٸزدٸك كەڭەسٸنٸڭ سايلانعان تۇراقتى ەمەس التى مٷشەسٸنٸڭ تۋىن تۇڭعىش رەت سالتاناتتى تٷردە كٶتەرۋ رەسٸمٸ ۇيىمداستىرىلعان.
«بٸز بۇۇ-نىڭ جاڭا دەستٷرٸن باستاپ بەرۋگە تىرىستىق. مەنٸڭ ويىمشا, مۇنىڭ سيمۆوليكالىق تۇرعىدا ماڭىزى تەرەڭ, سەبەبٸ قاۋٸپسٸزدٸك كەڭەسٸنٸڭ مٷشەلٸگٸنە سايلانۋ تۇراقتى نەگٸزدە بولماسا دا, ول - ٷلكەن قۇرمەت, جاۋاپكەرشٸلٸك پەن ارتىلعان ٷلكەن سەنٸم», - دەيدٸ ول.
قازاقستان ٷشٸن ماڭىزدى ٷش شارا ٶتكەلٸ جاتىر. اتاپ ايتقاندا, 18 قاڭتاردا جاپپاي قىرىپ-جويۋعا ارنالعان قارۋلاردى تاراتپاۋ جەنە سەنٸم شارالارى تاقىرىبىندا جوعارعى مازمۇندى تەماتيكالىق دەبات ٶتكٸزۋ جوسپارلانعان. اتالعان وتىرىستا قر پرەزيدەنتٸ نۇرسۇلتان نازارباەۆ تٶراعالىق ەتەتٸن بولادى. كٷتٸلٸپ وتىرعانىنداي, ول جيىنعا باسقا ەلدەردٸڭ مەملەكەت باسشىلارى مەن سىرتقى ٸستەر مينيسترلەرٸ قاتىسپاق.
«بٸز قاقتىعىستاردىڭ الدىن الۋ جەنە بەيبٸتشٸلٸكتٸ ساقتاۋ مەسەلەلەرٸن تالقىلايتىن بولامىز. بۇل تاقىرىپ مەملەكەت باسشىسىنىڭ «مانيفەست. ەلەم. ححٸ عاسىر» اتاۋلى باعدارلامالىق قۇجاتىمەن, سونىمەن قاتار تەڭ قۇقىقتىق جەنە ٶزارا تيٸمدٸ سەرٸكتەستٸك قاعيداتتارىنا نەگٸزدەلگەن باسىم باعىتتارمەن, حالىقارالىق قۇقىقتى ۇستانۋ جەنە سىيلاۋمەن, ديپلوماتييالىق جول ارقىلى كەز كەلگەن قاقتىعىستى شەشۋ جولىمەن دەلمە-دەل ٷندەسەدٸ», - دەيدٸ قايرات وماروۆ.
ٷلكەن تاقىرىپتىڭ ەكٸنشٸسٸ - ٶزارا تەۋەلدٸلٸك, قاۋٸپسٸزدٸك پەن دامۋ مودەلٸ بويىنشا اۋعانستان مەن ورتالىق ازييادا ايماقتىق ىنتىماقتاستىق ورناتۋ. قازاقستان اتىنان بۇل تۇرعىدا سىرتقى ٸستەر مينيسترٸ قايرات ەبدٸراحمانوۆ قاتىسىپ, اتالعان شاراعا تٶراعالىق ەتپەك. ول جيىنعا اۋعانستان مەن ورتالىق ازييا ەلدەرٸنٸڭ سىرتقى ٸستەر مينيسترلەرٸ قاتىسادى دەپ كٷتٸلۋدە.
«18 جەنە 19 قاڭتاردا ٶتەتٸن ەكٸ شارادا دا نەگٸزگٸ بايانداماشى رەتٸندە بۇۇ باس حاتشىسى گۋتەرريش سٶز سٶيلەيتٸن بولادى. بٸز سونىمەن بٸرگە, ول وتىرىستارعا رەسەيدٸڭ سىرتقى ٸستەر مينيسترٸ لاۆروۆ تا قاتىسادى دەپ كٷتۋدەمٸز», - دەيدٸ وماروۆ.
سونىمەن بٸرگە, 25 قاڭتاردا تاياۋ شىعىس جەنە پالەستينا مەسەلەسٸنە قاتىستى تاقىرىپتار بويىنشا توقسانارالىق اشىق دەبات ۇيىمداستىرۋ كٶزدەلگەن.
«بٸز ٷشٸن باستى باعىتتاردىڭ بٸرٸ, ول ەلبەتتە, استانا پروتسەسٸ, سيرييا مەسەلەسٸ جٶنٸندەگٸ كەلٸسسٶزدەر», - دەگەن بۇۇ-داعى قازاقستاننىڭ تۇراقتى ٶكٸلٸ بۇل باعىتتا بارىنشا كٷش سالىپ جاتقان مەملەكەتتەرگە العىسىن بٸلدٸردٸ.
«استانا پروتسەسٸنە قاتىسىپ وتىرعان نەگٸزگٸ مەملەكەتتەر - رەسەي, تٷركييا مەن يران. سونىمەن بٸرگە, امەريكا قۇراما شتاتتارى مەن يوردانييا تاراپىنان باستامالار بار, ولار دا بۇل مەسەلەنٸ رەتكە كەلتٸرۋدە كٶمەك بەرۋگە تىرىسىپ جاتىر. بۇدان باسقا دا الاڭدار, مەسەلەن, مەسكەۋلٸك الاڭ, كابۋل پروتسەسٸ, ىستانبۇل پروتسەسٸ بار. سونىمەن قاتار, ەلبەتتە, جەنەۆالىق الاڭنىڭ جۇمىسى قارقىندى - استانالىق جەنە جەنەۆالىق الاڭ بٸرٸن-بٸرٸ ٶزارا تولىقتىرۋ نەگٸزٸندە جۇمىس ٸستەپ جاتىر», - دەيدٸ قايتار وماروۆ.
قازاقستاننىڭ تٶراعالىعى بارىسىندا تاعى بٸر باسىمدىق بەلسەندٸ تٷردە تالقىلاناتىن بولادى - ول افريكاداعى مەسەلەلەر. افريكالىق قۇرلىققا قاتىستى سۇراقتار مەن بارلىق بٸتٸمگەرلٸك ەرەكەتتەر قاراستىرىلادى.
