بٸرٸككەن ۇلتتار ۇيىمى باس اسسامبلەياسى يەرۋساليم قالاسىن يزرايلدٸڭ استاناسى دەپ ساناۋدان باس تارتتى. باس اسسامبلەيا يەرۋساليمنٸڭ مەرتەبەسٸ تۋرالى اقش-تىڭ شەشٸمٸن تانىمايتىنى تۋرالى قارار قابىلدادى. بۇل شەشٸمدٸ 128 مەملەكەت, سونىڭ ٸشٸندە بۇۇ قاۋٸپسٸزدٸك كەڭەسٸنٸڭ اقش-تان ٶزگە تۇراقتى مٷشەلەرٸنٸڭ بارلىعى قولداپ داۋىس بەرگەن. توعىز مەملەكەت قارارعا قارسى داۋىس بەرسە, 35 ەل قالىس قالعان.
بۇعان دەيٸن بۇۇ قاۋٸپسٸزدٸك كەڭەسٸنٸڭ وسىنداي مازمۇنداعى قارارىنىڭ جوباسىنا تۇراقتى مٷشەلەرٸنٸڭ بارلىعى قولداۋ بٸلدٸرٸپ, تەك وعان قارسى بولعان اقش ۆەتو قويعاسىن بۇۇ باس اسسامبلەياسىنىڭ شۇعىل وتىرىسى شاقىرىلعان. بۇۇ باس اسسامبلەياسىنىڭ بەيسەنبٸدە قابىلداعان قارارىنىڭ مەتٸنٸ ۆاشينگتون ۆەتو قويعان جوبادا ايتىلعاندى قايتالايدى.
قابىلدانعان قاراردا يەرۋساليمدٸ يزرايل استاناسى دەپ تانۋدان باس تارتۋعا شاقىرعان, بٸراق مەتٸندە اقش اتالمايدى. سونىمەن بٸرگە قۇجاتتا يەرۋساليمنٸڭ مەرتەبەسٸنە قاتىستى بۇۇ قاۋٸپسٸزدٸك كەڭەسٸ "قارارىنا قايشى كەلەتٸن شەشٸمدەردٸڭ زاڭدى كٷشٸ بولمايتىنى" ايتىلعان.
بۇعان دەيٸن اقش پرەزيدەنتٸ دونالد ترامپ ۆاشينگتون بۇل قارارعا قولداۋ تانىتقان ەلدەرگە قارجىلاي كٶمەكتٸ شەكتەيتٸن بولادى دەپ ۋەدە ەتكەن. پالەستينا بيلٸگٸ اقش-تى بۇۇ-عا مٷشە ەلدەرگە "قوقان-لوقى كٶرسەتتٸ" دەپ ايىپتاعان.
جەلتوقساننىڭ 6-سى كٷنٸ پرەزيدەنت ترامپ اقش-تىڭ يزرايلدەگٸ ەلشٸلٸگٸن تەل-اۆيۆتەن يەرۋساليمگە كٶشٸرۋگە دايىندالا باستاۋعا پەرمەن بەرگەن. دايىندىق جۇمىستارى ٷش جىلدان تٶرت جىلعا دەيٸن جالعاسۋى مٷمكٸن. ترامپتىڭ شەشٸمٸن اراب ەلدەرٸنٸڭ كٶبٸ قاتتى سىنعا الىپ, پالەستينا تەرريتورييالارىندا جاپپاي نارازىلىق اكتسييالارى مەن تەرتٸپسٸزدٸكتەر باستالعان.
يزرايل يەرۋساليمدٸ ٶزٸنٸڭ بٸرتۇتاس جەنە بٶلٸنبەيتٸن استاناسى دەپ سانايدى. بۇۇ يەرۋساليمنٸڭ شىعىس بٶلٸگٸ زاڭسىز باسىپ الىنعان دەپ بٸلەدٸ. 1995 جىلى اقش كونگرەسٸ يزرايلدەگٸ امەريكالىق ەلشٸلٸكتٸ يەرۋساليمگە كٶشٸرۋ تۋرالى زاڭ قابىلداعان, بٸراق قالانىڭ مەرتەبەسٸ داۋلى بولعاندىقتان, اقش ديپلوماتييالىق ٶكٸلدٸگٸ تەل-اۆيۆتە قالعان ەدٸ. جاقىن ۋاقىتقا دەيٸن ۆاشينگتوندا يەرۋساليم 1948 جىلى بريتاندىق ماندات مەرزٸمٸ اياقتالعان سوڭ ەش تاراپقا تيەسٸلٸ ەمەس جەنە قالا مەرتەبەسٸ بەيبٸت كەلٸسٸمگە قول قويىلعاننان كەيٸن عانا انىقتالادى دەگەن ۇستانىم بولعان ەدٸ.
