بۇۇ باس حاتشىسى ٷكٸمەتتەردٸ دە, قاراپايىم ادامداردى دا بۇرىنعى قاتەلٸكتەردەن ساباق الىپ, ادامداردىڭ ٶمٸرٸ ٷشٸن جاۋاپكەرشٸلٸكتٸ موينىنا الۋ قاجەتتٸگٸن ايتتى.
ول ٷشٸن ادامدار بٸر-بٸرٸمەن ىنتىماقتاسىپ, عالىمداردى تىڭداۋ, تەرٸس اقپارات تاراتپاۋ, قاشىقتىقتى ساقتاۋ, ماسكا تاعۋ جەنە قول جۋۋ سيياقتى تالاپتاردى مٷلتٸكسٸز ورىنداۋى كەرەك.
بۇل تۋرالى بۇۇ جاڭالىقتار ورتالىعى حابارلادى.
ددسۇ مەلٸمەتٸنشە, كوروناۆيرۋس ينفەكتسيياسىنان قايتىس بولعانداردىڭ سانى ميلليون ادامنان اسقان.
«بٸز قورقىنىشتى شەكتەن اسىپ كەتتٸك: COVID-19 پاندەميياسى ميلليون ادامنىڭ ٶمٸرٸن قيىپ كەتتٸ. بۇل سان ٷرەي تۋدىرادى. بۇل - بٸرەۋدٸڭ ەكەسٸ مەن اناسى, ەيەلٸ مەن ەرٸ, اعاسى مەن ەپكەسٸ, دوسى جەنە ەرٸپتەسٸ», - دەدٸ گۋتەرريش.
«COVID-19 ميلليونداعان ادامنىڭ ٶمٸرٸن ٶزگەرتٸپ قانا قويماي, دٷنيەگە كەلگەن كٷنٸن اتاپ ٶتۋگە نەمەسە قىمباتتى ادامدارىمىزدى سوڭعى ساپارعا شىعارىپ سالۋ مٷمكٸندٸگٸنەن ايىردى» - دەپ اتاپ ٶتتٸ بۇۇ باسشىسى.
«پاندەمييانىڭ سوڭى كٶرٸنبەيدٸ», - دەپ ەسكەرتتٸ باس حاتشى. بۇل ادامدار ەلٸ دە جۇمىستان ايىرىلىپ, بٸلٸم الۋدان قول ٷزەتٸنٸن, قالىپتى ٶمٸرگە ورالا المايتىنىن بٸلدٸرەدٸ.
سوندا دا بولسا, انتونيۋ گۋتەرريش بٸزدٸڭ ۆيرۋستى جەڭٸپ شىعا الاتىنىمىزعا سەنٸمدٸ.
ونىڭ ايتۋىنشا, كٶشباسشىلاردىڭ جاۋاپكەرشٸلٸگٸ, عىلىمي قادام, ىنتىماقتاستىق پەن سەنٸمدٸ اقپارات بٷگٸندە ەرەكشە ماڭىزدى.
«ۆاكتسينانى دايىنداۋ جۇمىستارى جٷرگٸزٸلگەنشە, ادامداردىڭ ٶمٸرٸن قۇتقارۋ ٷشٸن قولدان كەلەتٸننٸڭ بەرٸن جاسايىق: فيزيكالىق قاشىقتىقتى ساقتاپ, ماسكا تاعىپ, قول جۋايىق», - دەپ ٷندەدٸ باس حاتشى.
