بٸرٸككەن ۇلتتار ۇيىمىنىڭ باس اسسامبلەياسى سەمەي ٶڭٸرٸنٸڭ حالقىن ساۋىقتىرۋ, قورشاعان ورتاسىن قالپىنا كەلتٸرۋ جەنە ەكونوميكاسىن دامىتۋ ماقساتىنداعى حالىقارالىق ىنتىماقتاستىق پەن قىزمەتتٸ ٷيلەستٸرۋ تۋرالى قازاقستان باستاماشىلىق ەتكەن قاراردى بٸراۋىزدان قابىلدادى.
بۇل تۋرالى "ۇلت اقپارات" قر سىرتقى ٸستەر مينيسترلٸگٸنٸڭ رەسمي سايتىنا سٸلتەمە جاساپ حابارلايدى.
قۇجاتتا حالىقارالىق قاۋىمداستىققا قازاقستانعا زارداپ شەككەن حالىقتى ەمدەۋ جٶنٸندەگٸ ارنايى باعدارلامالاردى ەزٸرلەۋگە جەنە جٷزەگە اسىرۋعا, سەمەي ٶڭٸرٸندەگٸ ەكونوميكالىق ٶسۋ مەن ورنىقتى دامۋدى قامتاماسىز ەتۋ جٶنٸندەگٸ كٷش-جٸگەرگە كٶمەك كٶرسەتۋگە شاقىرۋ جازىلعان. اتالمىش قۇجاتتا قازاقستان ٷكٸمەتٸنٸڭ سەمەي ٶڭٸرٸنٸڭ قاجەتتٸلٸكتەرٸن قاناعاتتاندىرۋعا جەردەمدەسۋ ٷشٸن رەسۋرستار بٶلۋدەگٸ ماڭىزدى رٶلٸ تانىلادى.
حالىقارالىق قاۋىمداستىق ٶكٸلدەرٸنٸڭ رەكوردتىق سانى قازاقستان حالقىمەن ىنتىماق بٸلدٸردٸ – بۇۇ-عا مٷشە 118 مەملەكەت قارار جوباسىنىڭ تەڭ اۆتورلارى بولدى. قازاقستان رەسپۋبليكاسىنىڭ سىرتقى ٸستەر مينيسترلٸگٸ قاراردىڭ تەڭ اۆتورلارى رەتٸندە, بۇۇ-عا مٷشە مەملەكەتتەرگە ٶز العىسىن بٸلدٸرەدٸ.
بۇل قاراردى بۇۇ ونىنشى رەت قابىلدادى. ول العاش رەت 1998 جىلى بۇۇ باس اسسامبلەياسىنىڭ 52-سەسسيياسىندا ماقۇلدانعان. سەمەي ٶڭٸرٸ بويىنشا قابىلدانعان قارار حالىقارالىق قوعامداستىقتىڭ ادامداردىڭ, ەسٸرەسە بالالاردىڭ جەنە باسقا دا وسال توپتاردىڭ ٶمٸرٸ مەن دەنساۋلىعى ٷشٸن يادرولىق سىناقتار سالدارىنىڭ ۇزاق مەرزٸمدٸ سيپاتىنا قازاقستاننىڭ ەلەۋلٸ الاڭداۋشىلىعىن مويىنداۋىنىڭ ايقىن بٸر دەلەلٸ.
قر تۇڭعىش پرەزيدەنتٸ - ەلباسى نۇرسۇلتان نازارباەۆتىڭ جارلىعىمەن قازاقستان 1991 جىلى ەلەمدەگٸ ەڭ ٸرٸ يادرولىق پوليگون – سەمەي سىناق پوليگونىن جاپتى, وندا 1949 جىلدان 1989 جىلعا دەيٸن 458 اتموسفەرالىق جەنە جەراستى جارىلىستارى سىناقتان ٶتكٸزٸلگەن. وسى يادرولىق سىناقتاردان زارداپ شەككەن ايماق 300 000 شارشى شاقىرىمنان اسادى, ال زارداپتاردىڭ اۋقىمى اسا قايعىلى.
ميلليوننان استام ادام بۇل سىناقتاردىڭ قۇربانى بولدى. رادياتسييا وندا تۇراتىن ادامداردىڭ يممۋندىق جٷيەسٸن ەلسٸرەتتٸ. كەيٸننەن ونكولوگييالىق اۋرۋلاردىڭ كٶرسەتكٸشتەرٸ ارتىپ, ەمدەۋ قۇنى مەن اۋرۋلاردىڭ ۇزاقتىعى ارتتى. يادرولىق سىناقتاردىڭ زيياندى ەسەرٸ ۇرپاقتان-ۇرپاققا بەرٸلٸپ كەلەدٸ.
قازاقستان حالىقارالىق قوعامداستىقتىڭ, سونىڭ ٸشٸندە بۇۇ مەن دونور ەلدەردٸڭ كٶمەگٸمەن يادرولىق تراگەدييانىڭ تەرٸس سالدارىمەن ٷش ونجىلدىق بويى كٷرەس جٷرگٸزٸپ كەلەدٸ.
قاراردىڭ بٸرلەسكەن اۆتورلارىنىڭ تٸزٸمٸ: اۆسترالييا, اۋسترييا, ەزەربايجان, الجير, ارگەنتينا, ارمەنييا, اۋعانستان, بانگلادەش, باحرەين, بەلارۋس, بەليز, بەنين, بولگارييا, بوليۆييا, بۋركينا-فاسو, بۋتان, ۇلىبريتانييا, ۆەنەسۋەلا, شىعىس تيمور, ۆەتنام, گايتي, گانا, گۆاتەمالا, گۆينەيا, گۆينەيا-بيساۋ, گەرمانييا, گوندۋراس, گرەكييا, گرۋزييا, دومينيكان رەسپۋبليكاسى, زيمبابۆە, يزرايل, ٷندٸستان, يندونەزييا, يوردانييا, يراك, يران, يسپانييا, يتالييا, كامبودجا, كامەرۋن, كانادا, قاتار, كەنييا, كيريباتي, كولۋمبييا, كوت-د'يۆۋار, كوستا-ريكا, كۋۆەيت, قىرعىز رەسپۋبليكاسى, كۋبا, لاوس, لاتۆييا, لەسوتو, ليۆان, ليۆييا, ماۆريتانييا, ماجارستان, مالاۆي, مالايزييا, مالديۆ, ماروككو, مارشالل ارالدارى, ميكرونەزييا, مولدوۆا, موناكو, موڭعولييا, ميانما, ناۋرۋ, نەپال, نيگەرييا, نيكاراگۋا, كورەيا رەسپۋبليكاسى, نيگەر رەسپۋبليكاسى, رۋاندا, رۋمىنييا, باە, ومان, پەكٸستان, پالاۋ, پاراگۆاي, پەرۋ, پولشا, سالۆادور, سان-تومە جەنە پرينسيپي, ساۋد ارابيياسى, سەنەگال, سەنت-ۆينسەنت جەنە گرەناديندەر, سينگاپۋر, سيرييا, سولومون ارالدارى, سۋدان, پەكٸستان, سۋرينام, اقش, تەجٸكستان, تايلاند, توگو, تونگا, تۋۆالۋ, تۋنيس, تٷركييا, تٷرٸكمەنستان, ٶزبەكستان, ۋگاندا, فيدجي, فيليپپين, فرانتسييا, ورتالىق افريكا رەسپۋبليكاسى, چاد, شۆەتسييا, ەكۆادور, ەكۆاتورلىق گۆينەيا, ەريترەيا, ەفيوپييا, وڭتٷستٸك افريكا, يامايكا, جاپونييا.
