اۋعانستاندا 2020 جىلدىڭ العاشقى جارتىسىندا 1 282 بەيبٸت تۇرعىن قازا بولعان. ولاردىڭ 340-ى - بالا. بۇعان قوسا, 2 176 بەيبٸت تۇرعىن (اراسىندا 727 بالا بار) جاراقاتتانعان. بٸرٸككەن ۇلتتار ۇيىمىنىڭ اۋعانستان بويىنشا ميسسيياسىنىڭ (UNAMA) 27 شٸلدە كٷنٸ جارييالاعان ەسەبٸندە وسىنداي مەلٸمەت ايتىلادى.
- سوعىس قيمىلدارى كٷن سايىن بەيبٸت تۇرعىندارعا ادام شوشىرلىق زييان كەلتٸرٸپ جاتىر, ال اۋعانستان ٷكٸمەتٸ مەن تەلٸپتەردٸڭ كەلٸسسٶز ٷستەلٸنە وتىرۋعا تاريحي مٷمكٸندٸكتەرٸ بار, - دەدٸ بۇۇ باس حاتشىسىنىڭ اۋعانستان جٶنٸندەگٸ ارنايى ٶكٸلٸ دەبورا لايونس.
كٸسٸ ٶلٸمٸنٸڭ 58 پايىزى ٷكٸمەتكە قارسى كٷشتەر - «تاليباننان» باستاپ ەكسترەميستٸك «يسلام مەملەكەتٸ» ۇيىمى مەن بەلگٸسٸز سودىر توپتار موينىنا جٷكتەلەدٸ دەپ كٶرسەتٸلگەن. ادام ٶلٸمٸنٸڭ كٶبەيۋٸنە اۋعانستان ٷكٸمەت كٷشتەرٸنٸڭ ەرەكەتٸ دە ىقپال ەتكەن (23 پايىزىنا جاۋاپتى). ەسەپتە بىلتىرعى جىلدىڭ وسى كەزەڭٸمەن سالىستىرعاندا ادام ٶلٸمٸ مەن جاراقاتتانۋ جاعدايى 13 پايىزعا ازايعانى ايتىلعان.
اۋعانستاندا بەيبٸتشٸلٸك ورناتۋ تالپىنىستارى سەتسٸزدٸككە ۇشىراپ, كابۋل مەن تەلٸپتەر اراسىندا تۇتقىندار الماسۋ بويىنشا قاراما-قايشىلىقتار ٶرشٸگەن سەتتە وسىنداي بايانداما جارىق كٶرٸپ وتىر. اقش بەيبٸتشٸلٸك پروتسەسٸنە ىقپال ەتۋ ٷشٸن اۋعانستان جٶنٸندەگٸ ارنايى ۋەكٸلٸن بەس ەلگە جٸبەرگەن.
25 شٸلدەدە جارىق كٶرگەن اقش مەملەكەتتٸك دەپارتامەنتٸنٸڭ مەلٸمدەمەسٸندە اقش-تىڭ اۋعانستان جٶنٸندەگٸ ارنايى ۋەكٸلٸ زالماي حاليلزادتىڭ دوحا, يسلاماباد, كابۋل, وسلو جەنە سوفيياعا باراتىنى جازىلعان.
