بۇۇ ەسٸرتكٸ مەن قىلمىس جٶنٸندەگٸ باسقارماسىنىڭ ايماقتىق ٷيلەستٸرۋشٸسٸ دانيلو كامپيسي ادام ساۋداسى مەن زاڭسىز ميگراتسييانىڭ سالدارى, وعان قارسى تۇرۋ ماڭىزى تۋرالى پٸكٸرٸمەن بٶلٸستٸ, دەپ حابارلايدى قازاقپارات.
«ادام ساۋداسى مەن زاڭسىز ميگراتسييا مەسەلەلەرٸ ٶتە ٶزەكتٸ. بٷكٸل ەلەمدە تابىس كٶزٸ ماقساتىندا ميلليونداعان جان ادام ساۋداسى قۇربانىنا اينالىپ, زاڭسىز ميگراتسييانى باسىنان ٶتكٸزەدٸ. ادام ساۋداسىنا قاتىستى ٶتە قاتەرلٸ ٸستەردٸڭ ۇشىعى ۇيىمداسقان قىلمىستىق توپتارعا بارىپ تٸرەلەدٸ. قىلمىستىق توپتار ادامداردى سەكسۋالدى ەكسپلۋاتاتسييا نەمەسە كٷشتەپ جۇمىسقا تارتۋ ٷشٸن پايدالانادى. جالپى, ميگراتسييا جٶنٸندەگٸ حالىقارالىق ۇيىمنىڭ مەلٸمەتٸنە سٷيەنسەك, زاڭسىز ميگراتسييا جٷيەسٸندە ەلەم بويىنشا 5-7 ملرد اقش دوللارى اينالىمدا. دەمەك, مۇنداي ترانسۇلتتىق قىلمىستاردىڭ تٷبٸندە زاڭسىز تابىس جاتقانىن كٶرٸپ وتىرمىز», - دەدٸ ول ەلوردادا ٶتٸپ جاتقان ٶڭٸرلٸك سەميناردا.
بۇۇ ەقب ٶكٸلٸنٸڭ ايتۋىنشا, ەلەم مەملەكەتتەرٸنٸڭ قارجىلىق بارلاۋ قىزمەتتەرٸ مۇنداي قىلمىستاردىڭ الدىن الۋ, جولىن كەسۋ ٸسٸمەن اينالىسپايدى.
«سول سەبەپتٸ, نۇر-سۇلتاندا ٶتٸپ جاتقان بۇل شاراعا قر باس پروكۋراتۋراسىنىڭ قۇقىق قورعاۋ ورگاندارى اكادەميياسىنىڭ ٶكٸلدەرٸنٸڭ قاتىسىپ وتىرعانىنا قۋانىشتىمىز. ياعني, ورتالىق ازييا مەملەكەتتەرٸ بۇل مەسەلەگە بەي-جاي قاراپ وتىرعان جوق. مۇنداي اۋىر قىلمىستاردىڭ جولىن كەسۋ ٷشٸن بٸزگە حالىقارالىق ىنتىماقتاستىق كەرەك», - دەدٸ دانيلو كامپيسي.
ايتا كەتسەك, الداعى ەكٸ كٷندە نۇر-سۇلتان قالاسىندا قۇقىق قورعاۋ ورگاندارىنىڭ اكادەميياسى بۇۇ ەقب-مەن بٸرلەسٸپ «ادام ساۋداسى مەن زاڭسىز ميگراتسييا اينالىمىنداعى زاڭسىز قارجى اعىنىنىڭ جولىن كەسۋ ماقساتى بويىنشا حالىقارالىق جەنە ٶڭٸرلٸك ىنتىماقتاستىق» تاقىرىبىندا ٶڭٸرلٸك سەمينار ٶتكٸزٸپ جاتىر. سەمينارعا اۋعانستان, يران, سونداي-اق قازاقستان, قىرعىزستان, پەكٸستان, تەجٸكستان, تٷرٸكمەنستان جەنە ٶزبەكستان پروكۋراتۋرا ورگاندارىنىڭ جەنە قارجى بارلاۋ بٶلٸمشەلەرٸنٸڭ ٶكٸلدەرٸ قاتىسىپ جاتىر. سونىمەن قاتار, جيىندا سپيكەرلەر رەتٸندە بۇۇ ەقب حالىقارالىق ساراپشىلارى, سونداي-اق قۇقىق قورعاۋ ورگاندارى اكادەميياسىنىڭ ساراپشىلارى سٶز سٶيلەيدٸ.
قر باس پروكۋراتۋراسىنىڭ قۇقىق قورعاۋ ورگاندارى اكادەميياسىنىڭ مەلٸمەتٸنە سٷيەنسەك, بٷكٸل ەلەم بويىنشا شامامەن 40 ملن ادام قۇلدىقتا. قازاقستان جاھاندىق قۇلدىق يندەكسٸنەن 2017 جىلى 167 ەلدٸڭ اراسىنان 83 ورىننان كٶرٸنگەن.
