جاقىن ارادا تولىقتىرىلعان شىنايىلىق بۇلتتى قىزمەتٸنە تەۋەلدٸلٸگٸمٸز ارتاتىن تٷرٸ بار. بۇل ٶز كەزەگٸندە وسى تەحنولوگييانىڭ دامۋىنا جەنە كەڭٸنەن تاراۋىنا تٷرتكٸ بولماق.
الداعى ۋاقىتتا تٷرلٸ كومپانييالار بۇل تەحنولوگيياعا ٶز اتاۋىن بەرٸپ, تاڭبالاۋعا تىرىساتىنىن بايقاۋعا بولادى (مىسالى, Microsoft كومپانيياسىنىڭ Azure پلاتفورماسى, Magic Leap كومپانيياسىنىڭ «Magicverse» كونتسەپتسيياسى جەنە تاعى باسقالارى). سونىڭ ارقاسىندا بۇل كومپانييالار نارىقتا بٸرەگەي قىزمەتتەر مەن تەسٸلدەمەلەر ۇسىنا الادى.
بٸراق جالپى بارلىعىنىڭ تٷبٸ بٸر – بۇل تاسىمالى قۇرىلعىلارمەن بايلانىستى بۇلتتى قىزمەتتەگٸ دەرەكقور. ول تولىقتىرىلعان شىنايىلىق قۇرىلعىلارىن بٸزگە جاڭا دٷنيە اشاتىن قاقپاعا اينالدىرادى.
وسى باستاۋدا جاعىمدى بٸر جايت, كەيبٸر باسشىلار تولىقتىرىلعان شىنايىلىق بۇلتتى قىزمەت جٷيەسٸن اشىق ۇستاۋدى ۇسىنعان. وسىنى تەحنولوگييالىق سالالارعا قاتىسى بار قاۋىم دا قولداپ وتىر.
بٸراق اقشاعا تٸرەلگەندە, جاعداي مٷلدەم ٶزگەرۋٸ مٷمكٸن. اشىعىن ايتقاندا, ويىن-ساۋىق سالاسى نەمەسە كەسٸپكەرلٸك بولسىن, تولىقتىرىلعان شىنايىلىق بۇلتتى قىزمەتٸ زور پايدا تابۋعا جاڭا مٷمكٸندٸكتەر بەرٸپ تۇر.
تولىقتىرىلعان شىنايىلىق بۇلتتى قىزمەتٸنە كٸرۋ ٷشٸن تٶلەمدەر, سونداي-اق وندا قوسىمشالار ساتىپ الۋ مول تابىس الۋعا جول اشادى. قازٸردٸڭ ٶزٸندە Cognitive3D سەكٸلدٸ وسى تەحنولوگييامەن ٸستەۋ ەدٸسٸن جٸتٸ تالدايتىن كومپانييالار بار.
«وسىنداي اشىق پلاتفورما باعدارلامالىق جاساقتاما شىعارۋشىلارى ٷشٸن تيٸمدٸ بولۋى مٷمكٸن. مەسەلەن, Uber قىزمەتٸ تولىقتىرىلعان شىنايلىقتاعى كٶشەدە تاكسي شاقىرۋ تٷيمەشٸگٸن ورناتا الادى. نەمەسە كونتسەرت افيشاسىنا «بيلەت ساتىپ الۋ» تٷيمەشٸگٸن كٶرۋٸڭٸزگە بولادى », - دەيدٸ Spatial كومپانيياسى قۇرىلتايشىلارىنىڭ بٸرٸ اناند اگاراۆالا.
«الداعى بٸرنەشە جىلدا بۇل بٸراز سالانى ٶزگەرتەدٸ دەپ سانايمىن. قالانىڭ ٸشٸ تولعان جارناما. ەندٸ ەلەستەتٸپ كٶرٸڭٸزشٸ, سونىڭ بەرٸ جوعالىپ, «ەرەكشە پٸكٸر» فيلمٸندەگٸدەي تسيفرلاندىرىلعان ەرٸ جەكە ەر ادامعا ارنالعان جارناماعا اينالدى دەلٸك. بۇل ماعان قاتتى ۇناپ تۇر دەپ ايتا المايمىن. دەگەنمەن بولاشاقتا ينستاگرامىزدىڭ تولىقتىرىلعان شىنايىلىقتاعى نۇسقاسى وسىنداي جارنامالارعا نەگٸزدەلەتٸن كٶرەسٸز».
دەرەكقور قۇرىپ, ونى دامىتۋ ٷشٸن قىرۋار قارجى قاجەت. سوندىقتان العاشقى تولىقتىرىلعان شىنايىلىق بۇلتتى قىزمەتتەرٸ ٶزارا جاقسى بايلانىسقان اۋقىمدى جەلٸ بولماسى انىق. ونىڭ ورنىنا كٶپتەگەن دەربەس بۇلتتى قىزمەتتەر پايدا بولادى.
ەرقايسىسىنىڭ ٶز ورنى بولادى. كەيبٸرەۋٸ ينتەرنەتتٸ قۇرعان تۇلعالاردىڭ ەتيكالىق ەرەجەلەرٸن ساقتاپ, اشىق ەرٸ تەگٸن تٷردە قىزمەت ەتەدٸ. ەندٸ باسقا بٸرەۋلەرٸ شەكتەۋلٸ تٷردە قىزمەتٸن قولدانۋعا مٷمكٸندٸك بەرەدٸ. اي سايىن جارنا تٶلەپ, قىزمەتٸنە جازىلۋدى سۇرايتىندارى دا بولادى.
«قالانىڭ ٸشٸ تولعان جارناما. ەندٸ ەلەستەتٸپ كٶرٸڭٸزشٸ, «ەرەكشە پٸكٸر» فيلمٸندەگٸدەي, سونىڭ بەرٸ جوعالىپ, تسيفرلاندىرىلعان ەرٸ جەكە ەر ادامعا ارنالعان جارناماعا اينالدى دەلٸك. بۇل ماعان قاتتى ۇناپ تۇر دەپ ايتا المايمىن. دەگەنمەن بولاشاقتا ينستاگرامىزدىڭ تولىقتىرىلعان شىنايىلىقتاعى نۇسقاسى وسىنداي جارنامالارعا نەگٸزدەلەتٸن كٶرەسٸز» - دەيدٸ Spatial كومپانيياسى قۇرىلتايشىلارىنىڭ بٸرٸ اناند اگاراۆالا.
قاجەت كەزدە وسى بۇلتتى قىزمەتتەر اراسىندا ەرەكەتتەسۋدٸڭ تەسٸلدەرٸ بولادى. بٸراق ەرقايسىسى دەربەس بولعاندىقتان, ول تەلەارنالار مەن فيلمدەر كٶرەتٸن ەدەتٸمٸزگە ۇقساس بولاتىن تٷرٸ بار.
قازٸردە تسيفرلٸك كونتەنت قالاي پايدالاناتىن قاراستىرايىق. كەيبٸر ادامدار پيراتتىق فايلدار ارقىلى كٷندەلٸكتٸ مۋزىكا تىڭداپ, تەلەشوۋ كٶرەدٸ. بٸرەۋلەر مەملەكەتتٸك راديو جەنە تەلەارنالاردى پايدالانىپ جٷر. ال ەندٸ باسقالارى جوعارى ساپالى ەرٸ جاقسى قورعالعان Spotify, Pandora, Netflix, Hulu سەكٸلدٸ قىزمەتتەردٸ پايدالانۋ ٷشٸن اقشا تٶلەۋدٸ جٶن كٶرەدٸ. تولىقتىرىلعان شىنايىلىق بۇلتتى قىزمەتتەرٸ دە دەل وسىلاي بولماق.
سوندا بٸز قالاي تاڭداۋ جاسايمىز? مەنٸڭشە قاۋٸپسٸزدٸگٸ مەن قولايلىعىنا نازار اۋدارۋ قاجەت. ەگەر ٶز دەرەكتەرٸڭٸزدٸڭ ساقتىعىن ۋايىمداساڭىز, وندا قورعانىستى قامتاماسىز ەتەتٸن قىزمەت تٷرٸ ٷشٸن اقشا تٶلەگەنٸڭٸز دۇرىس بولار. مەن جۋىردا بۇل جايىندا Apple كومپانيياسىنىڭ جاڭا Apple Card service قىزمەتٸن مىسالعا كەلتٸرٸپ, جازعان بولاتىنمىن. ول ەڭ الدىمەن تۇتىنۋشىلارىنىڭ جەكە مەلٸمەتتەرٸن قۇپييا ساقتايتىنى ٷشٸن اقشا الاتىنىن تٷسٸندٸردٸم.
Perkins Coie كومپانيياسى ناۋرىزدا 200 ستارتاپ باسشىلارى اراسىندا ساۋالناما جٷرگٸزگەن. وعان قاتىسقانداردىڭ 61 پايىزى وسى تەحنولوگييالاردىڭ دامۋىنا قاتىستى جەكە مەلٸمەتتەردٸڭ قاۋٸپسٸزدٸگٸ مەن تۇتىنۋشىلاردىڭ قۇپييالىق مەسەلەسٸنە الاڭداۋشىلىق بٸلدٸرگەن.
كەڭٸنەن تاراماعاندىقتان, قالىڭ جۇرتقا مۇنى تٷسٸنۋ ەلٸ قيىن شىعار. سوندىقتان مىناداي جاعدايدى قاراستىرايىق. سٸز كٷنٸ بويى ىڭعايلى ەرٸ كامەرامەن جابدىقتالعان قۇرىلعىنى كٶزٸڭٸزگە تاعىپ جٷرسٸز دەيٸك. ول قۇرىلعى سمارتفونىڭىز سەكٸلدٸ قاي جەردە بولعانىڭىزدى جەنە قانداي ساۋدا جاساعانىڭىزدى بەلگٸلەپ وتىرادى. بٸراق بۇل سمارت-كٶزٸلدٸرٸكتٸڭ ماڭىزدى بٸر ەرەكشەلٸگٸ - ول قىزمەت كٶرسەتۋشٸلەر مەن ساتۋشىلارعا يەسٸ جايلى مول ماعلۇمات بەرە الادى.
مەسەلەن, ساۋداڭىز, بارعان جەرٸڭٸز بەن كٸرگەن سايتتارىڭىزدى تٸركەۋمەن قاتار تولىقتىرىلعان شىنايىلىق كٶزٸلدٸرٸگٸ ناقتى قايدا قاراعانىڭىزدى قاداعالاپ وتىرادى. ماركەتولوگتار تۇتىنۋشىنىڭ كٶز قيمىلىن اڭدۋ قاجەتتٸگٸن جيٸ ايتىپ تۇرادى. ەندٸ ناعىز وسى مٷمكٸندٸكتٸ بەرەتٸن قۇرىلعى بار, كٶز قيمىلىن قاداعالايتىن تەحنولوگييامەن جابدىقتالعان كٶزٸلدٸرٸك تۇتىنۋشىنى نە قىزىقتىراتىنىن بٸلە الادى.
وسىدان قاي بۇلتتى قىزمەتكە سەنە الاسىز دەگەن ساۋال تۋىندايدى. مەسەلەن ول ٷيدە مەن كەڭسەدەگٸ تٸرشٸلٸگٸڭٸزدٸ بٸلگٸسٸ كەلەتٸن حاكەرلەردەن كٶزٸلدٸرٸگٸڭٸزدٸ ساقتاپ الاتىن شىعار. بٸراق ٶزدەرٸ دە سٸزدٸڭ وتباسىمەن وتىرعانىڭىزدى اندا ساندا كٶرٸپ تۇرمايتىنىنا كٶز جەتكٸزگەن جٶن.
200 ستارتاپ باسشىلارى اراسىندا جٷرگٸزٸلگەن ساۋالناما, 61 پايىزى وسى تەحنولوگييالاردىڭ دامۋىنا قاتىستى جەكە مەلٸمەتتەردٸڭ قاۋٸپسٸزدٸگٸ مەن تۇتىنۋشىلاردىڭ قۇپييالىق مەسەلەسٸنە الاڭداپ جٷرگەنٸن كٶرسەتكەن.
ەگەر بۇعان نانباساڭىز, وندا Bloomberg اگەنتتٸگٸ جٷرگٸزگەن زەرتتەۋٸن قاراستىرايىق. ول Amazon كومپانيياسىنىڭ قىزمەتكەرلەرٸ Amazon Echo قۇرىلعىلارى يەلەرٸنٸڭ جازبالارىن تىڭدايتىنىن انىقتاعان. مۇنى داۋىسپەن باسقارىلاتىن Alexa كٶمەكشٸنٸڭ قىزمەتٸن جەتٸلدٸرۋ ٷشٸن جاساعان ەكەن. بٸراق قاي ماقساتتا بولماسىن, ٷيٸڭٸزدەگٸ داۋىسپەن باسقارىلاتىن قۇرىلعىعا جازىلعان جەكە ەڭگٸمەلەرٸڭٸزدٸ باسقا بٸرەۋلەردٸڭ تىڭداۋعا مٷمكٸندٸگٸ بار ەكەنٸ انىق.
ايتارلىقتاي زييانى جوق سيياقتى. دەگەنمەن وسىنداي قۇپييالىق بۇزۋ جاعدايى الاڭداۋشىلىقتى تۋدىرىپ وتىر. ٶيتكەنٸ تولىقتىرىلعان شىنايىلىق بۇلتىندا سمارت-كٶزٸلدٸرٸگٸڭٸزگە وسىعان ۇقساس قىزمەت تٷرٸ ۇسىنىلادى. كٶمەكشٸڭٸز كٷندەلٸكتٸ ٶمٸردە قايدا قاراعانىڭىزدى بەينەتاسپاعا جازىپ الىپ, كٶز قيمىلىڭىزدى اڭدي الادى. سوندا بٸز بۇل اقپاراتتى كٸمگە سەنٸپ, تاپسىرا الامىز?
ايتقان سٶزدەرٸمٸز تٷرلٸ دٷنيەگە قاتىستى كٶزقاراسىمىزدى بٸلدٸرەدٸ. بٸراق پٸكٸر ايتپاس بۇرىن, بٸز ونى وي ەلەگٸنەن ٶتكٸزٸپ, سارالايمىز. ال دەرەك جينايتىن قۇرالدار كٶزٸمٸزگە تٷسكەن بٷكٸل ادام مەن زاتتى جازىپ جٷرسە, وسى قىزمەتكە كٷشتٸ سەنٸمٸمٸز بولۋى كەرەك.
كٶبٸسٸ 5G جىلدامدىعى جەنە كەرەمەت قوسىمشالاردىڭ كٶمەگٸمەن تولىقتىرىلعان شىنايىلىق بۇلتتى قىزمەتٸ الداعى ۋاقىتتا جەتٸلدٸرٸلەتٸنٸن ايتىپ جٷر. بٸراق بۇل تۇرعىدا ەڭ قۇندى قاسيەتٸ – سەنٸمدٸلٸك بولماق. قۇپييالىقتى ساقتاۋ مەن قاۋٸپسٸزدٸكتٸ باستى ورىنعا قويىپ, قالىڭ جۇرتتىڭ سەنٸمٸنە يە بولاتىن بۇلتتى قىزمەت ٶزگەلەردەن وزاتىنى سٶزسٸز.
