فوتو: The Associated Press/Emilio Morenatti
مەجٸلٸس دەپۋتاتى ايدوس سارىم كۋلۋاردا جۋرناليستەرگە قازاقستاننىڭ بۇۇ رەزوليۋتسيياسىنا قارسى داۋىس بەرگەنٸنە قاتىستى پٸكٸر بٸلدٸردٸ, دەپ حابارلايدى BAQ.KZ پورتالى.
جاقىندا قازاقستان رەسەيدٸڭ ۋكرايناعا قارسى سوعىسىن توقتاتۋعا شاقىرعان بۇۇ-نىڭ رەزوليۋتسيياسىنا قارسى داۋىس بەرگەنٸ تۋرالى اقپارات ەلەۋمەتتٸك جەلٸدە قىزۋ تالقىلاندى. بۇل قازاقستان حالقى مٷددەسٸ تۇرعىسىنان قابىلدانعان شەشٸم بە? قالاي ويلايسىز? – دەپ سۇرادى جۋرناليست دەپۋتاتتان مەجٸلٸس كۋلۋارىندا.
"قازاقستان دونباستى, كرىمدى, باسقانى مويىندامايتىنىن ٷزٸلدٸ-كەسٸلدٸ ايتتى. مىنانى دا تٷسٸنۋٸمٸز كەرەك. ۋكراينا مەن رەسەي اراسىندا كەسكٸلەسكەن سوعىس جٷرٸپ جاتىر. ەر تاراپ ٶزٸنٸڭ مٷمكٸندٸگٸن ارتتىرۋ ٷشٸن بۇۇ-نىڭ تريبۋناسىن پايدالانادى. بۇل زاڭدى نەرسە. بٸزدٸڭ مەسەلە – ٶزٸمٸزدٸڭ جاعدايىمىزدى ەسكەرە وتىرىپ, ديپلوماتييالىق ىرىم-جورالعىلاردى جاساۋعا مەجبٷرمٸز. كٶپتەگەن جاعدايدا قازاقستان قالىس قالىپ وتىرادى. قازاقستاندىقتاردى وسى جاعىن دا دۇرىس تٷسٸنۋگە شاقىرامىن", - دەپ ايتتى دەپۋتات سارىم.
مەجٸلٸس دەپۋتاتى سالدارى اۋىر بولمايتىنىن ايتتى.
"بٸزدٸڭ جاعدايدا قازاقستان رەسەيدٸڭ دە كٶڭٸلٸن, جاعدايىن, ونداعى قوعامدىق پٸكٸردٸ ەسكەرٸپ وتىرۋعا تيٸس. «بۇل سوعىستىڭ بٸزگە كەلگەنٸن قالايسىزدار ما?». بٸز دە قالامايمىز. سوندىقتان وسىنداي تٸرشٸلٸك جاساۋعا مەجبٷرمٸز. بۇل - سوعىستى قولداۋ ەمەس. قازاقستان سوعىسقا قاتىستى ٶزٸنٸڭ مەلٸمدەمەسٸن بٸرنەشە رەت جاساعان. بۇۇ قابىلداعان بارلىق شەشٸمنٸڭ استىندا قازاقستاننىڭ قولى بار. ديپلوماتييالىق, بەيبٸت جولمەن شەشۋ كەرەگٸن كٷن سايىن ايتىپ جاتىرمىز. ەزٸرگە قولىمىزدان كەلەتٸنٸ وسى. توقاەۆتىڭ ورنىنا كٸم كەلسە دە, بٸر اپتادان كەيٸن وسى ساياساتتى ۇستانۋعا مەجبٷر بولادى. بۇل بٸزدٸڭ ويلاپ تاپقانىمىز ەمەس. ٶكٸنٸشكە وراي, بۇل ويىندا بٸزدٸڭ ۇپايىمىز اسا كەرەمەت ەمەس. سوندىقتان كٶرپەمٸزگە قاراپ كٶسٸلەمٸز, جاعدايدى, ياعني قازاقستاننىڭ ٸشكٸ دە, سىرتقى دا جاعدايىن ەسكەرەمٸز", - دەيدٸ ايدوس سارىم.
دەپۋتات قازاقستانعا 5-10 جىلدىق تىنىشتىق كەرەگٸن ايتتى. تىنىشتىقتى پايدالانىپ, ەلٸمٸز رەفورمالاردى ەسەلەپ جٷرگٸزٸپ, قورعانىس سالاسىن كٷشەيتۋٸ قاجەت.
ەسكە سالا كەتەيٸك, قازاقستان بۇۇ-نىڭ رەسەيدەن ۋكرايناداعى باسقىنشىلىق سوعىستى توقتاتىپ, ەسكەرٸن شىعارۋدى تالاپ ەتكەن قارارىنا قارسى داۋىس بەردٸ.
قارار «ۋاقىتشا باسىپ الىنعان قىرىم اۆتونومييالى رەسپۋبليكاسى مەن سەۆاستوپول قالاسىنداعى (ۋكراينا) ادام قۇقىعىنىڭ جاعدايى» دەپ اتالادى. بۇۇ باس اسسامبلەياسى 15 جەلتوقساندا قابىلداعان قۇجاتتى 82 ەل قولدادى, 14 ەل قارسى شىقتى, تاعى 80 مەملەكەت قالىس قالدى.
قۇجاتقا قارسى داۋىس بەرگەندەر قاتارىندا قازاقستان مەن رەسەيدٸڭ ٶزٸنەن بٶلەك, بەلارۋس, كۋبا, نيكاراگۋا, زيمبابۆە, يران, قىتاي, سولتٷستٸك كورەيا, مالي, سۋدان, ەفيوپييا, سيرييا, ەريتەرييا سيياقتى مەملەكەتتەر بار.
