تمد اتقارۋشى كوميتەتٸنٸڭ حالىقارالىق بايقاۋشىلارى, رف قوعامدىق پالاتاسىنىڭ ٶكٸلدەرٸ ەلورداداعى بەيپارتييالىق سايلاۋدى بايقاۋ ورتالىعىندا بولىپ قايتتى, دەپ حابارلايدى قازاقپارات.
«بٸز - قازاقستانداعى سايلاۋدى باقىلايتىن رەسمي حالىقارالىق بايقاۋشىلارمىز. جالپى سايلاۋدى بايقاۋ ٸسٸمەن رەسەيدە دە, باسقا شەت ەلدەردە دە 8 جىلدان بەرٸ اينالىسىپ كەلەمٸز. قازاقستان مەن رەسەيدٸڭ پاراللەل جولمەن كەلە جاتقانى مەنٸ قۋانتادى. بٸزدٸڭ بۇرىننان بەرگٸ سەرٸكتەسٸمٸز - قر ازاماتتىق اليانسىنىڭ دا اۋقىمدى جۇمىس اتقارعانى كٶڭٸلٸمٸزدەن شىعىپ وتىر. مۇندا (بەيپارتييالىق سايلاۋدى بايقاۋ ورتالىعىنا) شىنىندا دا كٶپ اقپارات كەلٸپ تٷسەتٸنٸن, سايلاۋ ۋچاسكەلەرٸندە نە بولىپ جاتقانىن وسىندا باقىلاۋعا بولاتىنىن كٶردٸك. بۇل - دۇرىس قادام. باۋىرلاس قازاقستانداعى سايلاۋدى بايقاۋ ٸسٸ تولىققاندى جٷرگٸزٸلٸپ جاتقانىنا قۋانىشتىمىز», - دەدٸ رف قوعامدىق پالاتاسىنىڭ مٷشەسٸ ەرٸ داۋىس بەرۋ بويىنشا ٷيلەستٸرۋ كەڭەسٸنٸڭ باسشىسى ماكسيم گريگورەۆ.
رف قوعامدىق پالاتاسىنىڭ مٷشەسٸ ارتەم كيريانوۆ تا پٸكٸرٸن ورتاعا سالدى.
«بەيپارتييالىق سايلاۋدى بايقاۋ ورتالىعىنىڭ باسشىلىعىمەن كەزدەسە وتىرىپ, قوعامدى سايلاۋعا تارتىپ, بايقاۋشىلاردى ٷيرەتۋ جاعىنان قازاقستاندا سەنۋگە تۇرارلىق ازاماتتاردىڭ بارىنا قۋانىپ وتىرمىز. قوعام ٶكٸلدەرٸنەن ەكٸ ادام ەر ۋچاسكەدە بايقاۋ ٸسٸنە قاتىسا الادى ەكەن. دايىندىق جۇمىستارىنىڭ ماتەريالدارىمەن, وقىتۋ سەمينارلارىنىڭ باعدارلاماسىمەن تانىسا كەلە قوعامدىق باقىلاۋ دەڭگەيٸ ايتارلىقتاي جوعارى ەكەنٸن بايقاۋعا بولادى», - دەپ اتاپ ٶتتٸ سپيكەر.
ٶز كەزەگٸندە بەيپارتييالىق سايلاۋدى بايقاۋ ورتالىعىنىڭ باسشىسى ەرٸ قازاقستان ازاماتتىق اليانسىنىڭ پرەزيدەنتٸ بانۋ نۇرعازينوۆا اتقارىلىپ جاتقان جۇمىستارعا توقتالدى.
«بۇعان دەيٸن بٸرنەشە رەت ايتقانىمداي, 1 جەلتوقساننان باستاپ بەيپارتييالىق سايلاۋدى بايقاۋ ورتالىعى بايقاۋشىلاردى دايىنداۋ ٸسٸمەن اينالىسىپ كەلەدٸ. ونىڭ ٷستٸنە بٸزدٸڭ بايقاۋشىلار قالالاردا عانا ەمەس, ەلٸمٸزدٸڭ بارلىق ٶڭٸرٸندە جۇمىس جٷرگٸزەدٸ. قازاقستاندا 10 مىڭعا تارتا سايلاۋ ۋچاسكەسٸ بار. ەربٸر ۋچاسكەگە بايقاۋشىلارىمىزدى قويعىمىز كەلەدٸ», - دەدٸ بانۋ نۇرعازينوۆا.
