ۋكراينانىڭ رەسەي باسىپ العان جەرلەرٸنەن ٶزگە ايماقتارىنىڭ بەرٸندە ەۋە دابىلى قاعىلدى. جەرگٸلٸكتٸ بيلٸك كيەۆ, حاركوۆ, زاپوروجە, كريۆوي روگ جەنە تاعى باسقا قالالاردا جارىلىس بولعانىن حابارلاپ جاتىر.
ۆۆس تٸلشٸسٸ دە كيەۆتە جارىلىس كٶبەيگەنٸن ايتتى. ونىڭ سٶزٸنشە, جارىلىستان كەيٸن ەلەكتر قۋاتى سٶنٸپ, بايلانىس ٶشكەن.
كەيٸنٸرەك كيەۆ مەرٸ ۆيتاليي كليچكو "ينفراقۇرىلىم نىساندارىنا جاسالعان سوققى سالدارىنان كيەۆتٸڭ بٸر بٶلٸگٸ ەلەكتر قۋاتىنان اجىراعانىن, كەي اۋداندارعا سۋ بەرٸلمەي جاتقانىن" حابارلادى.
حاركوۆ مەرٸ يگور تەرەحوۆ Telegram كانالىندا قالادا ەكٸ جارىلىس بولعانىن جازدى. ونىڭ مەلٸمەتٸنشە, قالانىڭ ماڭىزدى ينفراقۇرىلىمدارى اتقىلانعان. حاركوۆ مەتروپوليتەنٸ جۇمىسىن توقتاتقان, تروللەيبۋستار مەن ترامۆايلار دا توقتاعان.
قازٸرگٸ اقپاراتتارعا قاراعاندا, رەسەي ەسكەرٸ ۋكراينا قالالارىن س-300 زىمىران كەشەنٸمەن اتقىلاعان. حاركوۆ وبلىسىنىڭ باسشىسى ولەگ سينەگۋبوۆتىڭ سٶزٸنشە, زىمىران رەسەيدٸڭ بەلگورود قالاسى ماڭىنان اتىلعان.
زاپوروجە, ۆيننيتسك, كيروۆوگراد, پولتاۆسك جەنە دنەپروپەتروۆسك وبلىستارىندا دا جارىلىس بولعانى جايلى حابارلاندى.
تاڭعى جارىلىستاردان كەيٸن زاپوروجە قالاسىندا ەلەكتر قۋاتى اجىراعان. جەرگٸلٸكتٸ بيلٸكتٸڭ اقپاراتىنا قاراعاندا, رەسەي ەسكەرٸ ماڭىزدى ينفراقۇرىلىم نىساندارىن نىساناعا العان.
"تٷندە رەسەي ەسكەرٸ دٷركٸندەتٸپ اتاتىن زىمىران جٷيەسٸ جەنە ارتيللەريياسىمەن دنەپروپەتروۆسك وبلىسىن اتقىلاعان, سونداي-اق كاميكادزە دروندارمەن شابۋىل جاساعان" دەپ حابارلادى دنەپروپەتروۆسك وبلىستىق ەسكەري ەكٸمشٸلٸك باسشىسى ۆالەنتين رەزنيچەنكو.
"گرادپەن" اتقىلاۋ نەتيجەسٸندە مارگانەتس قالاسىندا بٸر ەيەل قازا بولعان. "وتىزعا جۋىق كٶپ قاباتتى ٷيگە, ەلەكتر سىمدارىنا زاقىم كەلدٸ" دەيدٸ رەزنيچەنكو. كامەنسك اۋدانىندا كاميكادزە دروندار ەنەرگەتيكالىق ينفراقۇرىلىمىنا نۇقسان كەلتٸرگەن.
رەسەي قورعانىس مينيسترلٸگٸ ەزٸرگە بۇل شابۋىل تۋرالى تٷسٸنٸكتەمە بەرگەن جوق. رەسەي ەسكەرٸ 10 قازاننان بەرٸ ۋكراينانىڭ ينفراقۇرىلىمىنا شابۋىل جاساپ كەلەدٸ. مەسكەۋ مۇنى قىرىم كٶپٸرٸنە جاسالعان شابۋىلعا جاۋاپ دەپ تٷسٸندٸرگەن. رەسەي قورعانىس مينيسترلٸگٸ سوققى ەسكەري نىساندارعا جاسالاتىنىن ايتىپ كەلگەن.
ۋكراينا قورعانىس مينيسترٸ گەرمان گالۋششەنكو رەسەي شابۋىلى سالدارىنان ۋكراينا ەنەرگەتيكا ينفراقۇرلىمىنىڭ 40 پايىزعا جۋىعىنا زاقىم كەلگەنٸن حابارلاعان.
