ٶتكەن اپتادا ەكسپو-2017 كٶرمەسٸنە 205 561 ادام كەلٸپ كەتتٸ, دەپ xابارلايدى "ۇلت اقپارات".
«استانا ەكسپو-2017» ۇلتتىق كومپانيياسىنىڭ باسقارۋشى ديرەكتورى بەيبٸت قارىمساقوۆتىڭ ايتۋىنشا, وسى ۋاقىتقا دەيٸن پاۆيلوندارعا ادامداردىڭ كٸرٸپ شىعۋ كٶرسەتكٸشٸ 1 ملن 57 مىڭنان استى. «بٸر قوناعىمىز بٸر كٷننٸڭ ٸشٸندە 5-6 پاۆيلوندى كٶرٸپ ٷلگەرەدٸ. بٸزدٸڭ ەسەبٸمٸزگە سەيكەس, وسى ۋاقىتقا دەيٸن كٶرمەگە 26 مىڭنان استام شەتەل ازاماتى كەلٸپ كەتتٸ. ول بارلىق قوناقتاردىڭ 13 پايىزىن قۇراپ وتىر», - دەدٸ قارىمساقوۆ استانادا ٶتكەن باسپاسٶز مەسليxاتىندا.
ونىڭ سٶزٸنە قاراعاندا, كٶرمەگە كەلگەن 10 ادام - 6 جاسقا دەيٸنگٸ بالالار بولسا, مٷگەدەكتەر مەن ارداگەرلەردٸڭ سانى 2 مىڭنان استى. «14 مىڭ ادام ول - وقۋشىلار, ستۋدەنتتەر مەن زەينەتكەرلەر. قازٸرگٸ ديناميكاعا قاراساق, كٶرمەگە كەلەتٸن ادامداردىڭ سانى كٷن سايىن ارتىپ كەلەدٸ. مىسالى, العاشقى كٷنٸ 17 مىڭ ادام كەلسە, ٶتكەن جۇمادا 34 مىڭنان استام ادام كەلٸپ كەتتٸ», - دەپ اتاپ كٶرسەتتٸ كومپانييانىڭ باسقارۋشى ديرەكتورى.
ايتا كەتەيٸك, جوسپار بويىنشا استاناداعى ەكسپو-2017 كٶرمەسٸنە كەلٸپ كەتەتٸن ادامداردىڭ سانى 2-2,5 ملن بولادى. ال پاۆيلونداردى كٶرٸپ كەتۋ كٶرسەتكٸشٸ 5 ملن-عا جەتۋٸ تيٸس. سەبەبٸ بٸر ادام, كەم دەگەندە, ەكٸ رەت كەلٸپ كەتەدٸ دەگەن بولجام بار.
