قىرعىزستاندا كەزەكتەن تىس پرەزيدەنت سايلاۋى مەن رەفەرەندۋم الدىنداعى تىنىشتىق كٷنٸ باستالدى, دەپ حابارلايدى "ۇلت اقپارات" كابار اگەنتتٸگٸنە سٸلتەمە جاساپ.
وسىلايشا كانديداتتاردىڭ سايلاۋالدى ٷگٸت-ناسيحاتى توقتادى. تىنىشتىق كٷنٸ سايلاۋشىلار ٷمٸتكەرلەردٸڭ باعدارلاماسىنا تاعى بٸر كٶز جٷگٸرتٸپ, تالداپ, ٶز تاڭداۋىن جاسايدى.
سونىمەن قاتار ورتالىق سايلاۋ كوميسسيياسى اككرەديتتەگەن بۇقارالىق اقپارات قۇرالدارى مەن ينتەرنەت باسىلىمدار دا ٷگٸت-ناسيحات جٷرگٸزە المايدى.
تىنىشتىق كٷنٸنٸڭ تالابىن بۇزعانداردى وسك جاۋاپكەرشٸلٸككە تارتۋى مٷمكٸن.
قىرعىزستاندا كەزەكتەن تىس پرەزيدەنت سايلاۋى مەن رەفەرەندۋم 2021 جىلعى 10 قاڭتاردا ٶتەدٸ. وسك مەلٸمەتٸنشە, سايلاۋدا 3 ملن 563 مىڭ 574 سايلاۋشى داۋىس بەرە الادى.
پرەزيدەنتتٸككە 17 ٷمٸتكەر تالاسىپ وتىر. مۇنىڭ الدىندا ولاردىڭ سانى 18 ەدٸ, الايدا راشيد تاعاەۆ اتتى كانديدات سايلاۋعا قاتىسۋدان باس تارتتى. ونىڭ ەسٸمٸ بيۋللەتەننەن سىزىلىپ تاستالادى.
رەفەرەندۋمدا مىناداي باسقارۋ فورماسىن تاڭداۋ مٷمكٸندٸگٸ بەرٸلەدٸ:
— پرەزيدەنتتٸك رەسپۋبليكا
— پارلامەنتتٸك رەسپۋبليكا
— ەكٸ نۇسقاعا دا قارسىمىن.
سايلاۋشىلارعا ەكٸ بيۋللەتەننەن بەرٸلەدٸ. اق تٷستٸ بيۋللەتەن - پرەزيدەنت سايلاۋىنا, كٶك تٷستٸ - رەفەرەندۋمعا.
