يندۋسترييا جەنە ينفراقۇرىلىمدىق دامۋ مينيسترلٸگٸ قازاقستان كەنشٸلەرٸن كەسٸبي مەرەكەسٸمەن قۇتتىقتادى, دەپ حابارلايدى "ۇلت اقپارات".
«قۇرمەتتٸ تاۋ-كەن ٶندٸرۋ ٶنەركەسٸبٸنٸڭ قىزمەتكەرلەرٸ! قازاقستان رەسپۋبليكاسى يندۋسترييا جەنە ينفراقۇرىلىمدىق دامۋ مينيسترلٸگٸنٸڭ ۇجىمى سٸزدەردٸ كەسٸبي مەرەكەلەرٸڭٸز – كەنشٸلەر كٷنٸمەن شىن جٷرەكتەن قۇتتىقتايدى. كەنشٸ ماماندىعى – وتاندىق ٶنەركەسٸپتەگٸ ەڭ كٷردەلٸ ەرٸ باتىلدىقتى قاجەت ەتەتٸن سالالاردىڭ بٸرٸ, سەبەبٸ بۇل جولدى ٶمٸرلٸك ٸسٸ رەتٸندە تاڭداعان ادامدار كٷن سايىن ەرلٸك جاسايدى. وسى ماماندىق ٶكٸلدەرٸنە ارنايى قۇرمەت كٶرسەتۋ دەستٷرٸ بٷگٸندە تٷرلٸ ەلدەردە تۇراتىن كٶپتەگەن جانداردى بٸرٸكتٸرەدٸ. كەنشٸلەردٸڭ ەڭبەگٸ كەز كەلگەن مەملەكەتتٸڭ تابىستى ەكونوميكالىق دامۋىنىڭ ماڭىزدى باعىتى بولىپ سانالادى», - دەپ جازىلعان مينيسترلٸك سايتىندا.
مينيسترلٸكتٸڭ حابارلاۋىنشا, قازاقستان كٶمٸر قورى جٶنٸندە كٶشباسشى ەلدەردٸڭ وندىعىنا كٸرەدٸ. كٶمٸر قورىنىڭ 90% استامى ەلدٸڭ سولتٷستٸگٸندە جەنە ورتالىق بٶلٸگٸندە شوعىرلانعان.
تەۋەلسٸزدٸك جىلدارى وتاندىق كٶمٸر ٶندٸرۋشٸ كەسٸپورىندار 2,6 ملرد توننادان استام كٶمٸر ٶندٸردٸ, 0,7 ملرد توننادان استام كٶمٸر تاياۋ جەنە الىس شەتەلگە ەكسپورتتالدى. بٷگٸندە رەسپۋبليكانىڭ كٶمٸر سالاسى ەلەكتر قۋاتىن شامامەن 70%-ىن ٶندٸرۋدٸ, كوكس-حيمييا ٶندٸرٸسٸنٸڭ جٷز پايىز جٷكتەمەسٸن قامتاماسىز ەتەدٸ. سونداي-اق كوممۋنالدىق-تۇرمىستىق سەكتور مەن حالىقتىڭ وتىنعا دەگەن قاجەتتٸلٸگٸن تولىق قاناعاتتاندىرادى.
سونىمەن بٸرگە, ەلٸمٸزدە «قازاقستان رەسپۋبليكاسىنىڭ كٶمٸر سالاسىن دامىتۋ جٶنٸندەگٸ 2019-2021 جىلدارعا ارنالعان جول كارتاسى», «2019-2020 جىلدار كەزەڭٸنە ارنالعان كوممۋنالدىق-تۇرمىستىق مۇقتاجدىقتار مەن حالىققا ارنالعان كٶمٸر ٶنٸمدەرٸنە قاجەتتٸلٸك جوسپارى» جٷزەگە اسىرىلۋدا.
«بارلىقتارىڭىزعا وسىناۋ قيىن جۇمىسىڭىز ٷشٸن ريزاشىلىعىمىزدى بٸلدٸرەمٸز. جوعارى كەسٸپقويلىق پەن تاباندىلىقتىڭ ارقاسىندا كەنشٸلەر الداعى ۋاقىتتا دا ەل ەكونوميكاسىن دامىتۋعا لايىقتى ٷلەس قوسارىنا سەنٸمدٸمٸز. بٷگٸنگٸ تاڭدا جۇمىس ەدٸستەرٸ جاڭارىپ, جەتٸلٸپ كەلەدٸ. بٸراق ەڭ باستىسى — سالاداعى ارداگەرلەر ۇرپاقتارىنىڭ داڭقتى دەستٷرٸ ساقتالۋدا. كەنشٸلەر كٷنٸ – كەن ٶندٸرۋ ٶنەركەسٸبٸ ارداگەرلەرٸنە العىس ايتۋ, كەنشٸلەر ٸسٸنە جاۋاپكەرشٸلٸكپەن قاراۋ, جانقييارلىققا قۇرمەت بٸلدٸرۋ مەرەكەسٸ. كەسٸبي مەرەكە كٷنٸ بارلىق كەنشٸلەر مەن ارداگەرلەرگە مىقتى دەنساۋلىق, باقىت پەن اماندىق, كەز كەلگەن باستامالارىڭىزعا تابىس پەن سەتتٸلٸك تٸلەيمٸز!», - دەيدٸ قر ييدم.
