Indýstriia jáne infraqurylymdyq damý ministrligi Qazaqstan kenshilerin kásibi merekesimen quttyqtady, dep habarlaidy "Ult aqparat".
«Qurmetti taý-ken óndirý ónerkásibiniń qyzmetkerleri! Qazaqstan Respýblikasy Indýstriia jáne infraqurylymdyq damý ministrliginiń ujymy sizderdi kásibi merekelerińiz – Kenshiler kúnimen shyn júrekten quttyqtaidy. Kenshi mamandyǵy – otandyq ónerkásiptegi eń kúrdeli ári batyldyqty qajet etetin salalardyń biri, sebebi bul joldy ómirlik isi retinde tańdaǵan adamdar kún saiyn erlik jasaidy. Osy mamandyq ókilderine arnaiy qurmet kórsetý dástúri búginde túrli elderde turatyn kóptegen jandardy biriktiredi. Kenshilerdiń eńbegi kez kelgen memlekettiń tabysty ekonomikalyq damýynyń mańyzdy baǵyty bolyp sanalady», - dep jazylǵan ministrlik saitynda.
Ministrliktiń habarlaýynsha, Qazaqstan kómir qory jóninde kóshbasshy elderdiń ondyǵyna kiredi. Kómir qorynyń 90% astamy eldiń soltústiginde jáne ortalyq bóliginde shoǵyrlanǵan.
Táýelsizdik jyldary otandyq kómir óndirýshi kásiporyndar 2,6 mlrd tonnadan astam kómir óndirdi, 0,7 mlrd tonnadan astam kómir taiaý jáne alys shetelge eksporttaldy. Búginde respýblikanyń kómir salasy elektr qýatyn shamamen 70%-yn óndirýdi, koks-himiia óndirisiniń júz paiyz júktemesin qamtamasyz etedi. Sondai-aq kommýnaldyq-turmystyq sektor men halyqtyń otynǵa degen qajettiligin tolyq qanaǵattandyrady.
Sonymen birge, elimizde «Qazaqstan Respýblikasynyń kómir salasyn damytý jónindegi 2019-2021 jyldarǵa arnalǵan Jol kartasy», «2019-2020 jyldar kezeńine arnalǵan kommýnaldyq-turmystyq muqtajdyqtar men halyqqa arnalǵan kómir ónimderine qajettilik jospary» júzege asyrylýda.
«Barlyqtaryńyzǵa osynaý qiyn jumysyńyz úshin rizashylyǵymyzdy bildiremiz. Joǵary kásipqoilyq pen tabandylyqtyń arqasynda kenshiler aldaǵy ýaqytta da el ekonomikasyn damytýǵa laiyqty úles qosaryna senimdimiz. Búgingi tańda jumys ádisteri jańaryp, jetilip keledi. Biraq eń bastysy — saladaǵy ardagerler urpaqtarynyń dańqty dástúri saqtalýda. Kenshiler kúni – ken óndirý ónerkásibi ardagerlerine alǵys aitý, kenshiler isine jaýapkershilikpen qaraý, janqiiarlyqqa qurmet bildirý merekesi. Kásibi mereke kúni barlyq kenshiler men ardagerlerge myqty densaýlyq, baqyt pen amandyq, kez kelgen bastamalaryńyzǵa tabys pen sáttilik tileimiz!», - deidi QR IIDM.
