اتىراۋ وبلىسىنىڭ ەكٸمٸ سەرٸك شەپكەنوۆ ٷندەۋ جاساپ, تۇرعىنداردى دٷربەلەڭگە سالىنباۋعا شاقىردى, دەپ حابارلايدى "ۇلت اقپارات".
ەكٸمنٸڭ ايتۋىنشا, تٶتەنشە جاعداي رەجيمٸ سۋ تاسقىنىنا دايىندىقتى كٷشەيتۋ ٷشٸن جارييالانعان.
"يريكلا سۋ قويماسىنان جايىق ٶزەنٸنە ٶتە قوماقتى كٶلەمدە سۋ جٸبەرٸلٸپ جاتىر. سۋ ٶزەن ارقىلى اتىراۋ جەرٸنە دە جەتەدٸ. بۇل سۋ تاسقىنى قاۋپٸن تۋدىرۋى مٷمكٸن. وسى مەسەلەنٸ ەسكەرٸپ, بارلىق قارسى كٷش-قۇرالدى جۇمىلدىرۋ ٷشٸن تابيعي سيپاتتاعى تٶتەنشە جاعداي جارييالاۋعا شەشٸم قابىلدادىم. بٸراق بٷگٸن-ەرتەڭ تٶنٸپ تۇرعان قاۋٸپ جوق. سوندىقتان دٷربەلەڭ ۇيىمداستىرماي, بەرٸمٸز سۋ تاسقىنىنا قارسى تۇرۋىمىز كەرەك. بارلىق جاعدايدى باقىلاۋىمدا ۇستاپ وتىرمىن", - دەدٸ سەرٸك شەپكەنوۆ.
ەسكە سالا كەتەلٸك, بۇدان بۇرىن اتىراۋ وبلىسىندا تٶتەنشە جاعداي جارييالانعان ەدٸ.
"اتىراۋ وبلىسىنىڭ اۋماعىندا تابيعي سيپاتتاعى تٶتەنشە جاعداي جارييالانسىن. وبلىس ەكٸمٸنٸڭ جەتەكشٸلٸك ەتەتٸن ورىنباسارى تابيعي سيپاتتاعى تٶتەنشە جاعدايدى جويۋ باسشىسى بولىپ تاعايىندالسىن. وعان تابيعي سيپاتتاعى تٶتەنشە جاعدايدى جويۋعا باعىتتالعان ٸس-شارالاردى جٷرگٸزۋ تاپسىرىلسىن", - دەلٸنگەن وبلىس ەكٸمٸنٸڭ شەشٸمٸندە.
سونداي-اق اتىراۋ وبلىسىنىڭ بٸلٸم بەرۋ مەكەمەلەرٸندە ساباق وفلاين فورماتتا جالعاساتىنىن جازعان بولاتىنبىز.
