Atyraý oblysynyń ákimi Serik Shápkenov úndeý jasap, turǵyndardy dúrbeleńge salynbaýǵa shaqyrdy, dep habarlaidy "Ult aqparat".
Ákimniń aitýynsha, tótenshe jaǵdai rejimi sý tasqynyna daiyndyqty kúsheitý úshin jariialanǵan.
"Irikla sý qoimasynan Jaiyq ózenine óte qomaqty kólemde sý jiberilip jatyr. Sý ózen arqyly Atyraý jerine de jetedi. Bul sý tasqyny qaýpin týdyrýy múmkin. Osy máseleni eskerip, barlyq qarsy kúsh-quraldy jumyldyrý úshin tabiǵi sipattaǵy tótenshe jaǵdai jariialaýǵa sheshim qabyldadym. Biraq búgin-erteń tónip turǵan qaýip joq. Sondyqtan dúrbeleń uiymdastyrmai, bárimiz sý tasqynyna qarsy turýymyz kerek. Barlyq jaǵdaidy baqylaýymda ustap otyrmyn", - dedi Serik Shápkenov.
Eske sala ketelik, budan buryn Atyraý oblysynda tótenshe jaǵdai jariialanǵan edi.
"Atyraý oblysynyń aýmaǵynda tabiǵi sipattaǵy tótenshe jaǵdai jariialansyn. Oblys ákiminiń jetekshilik etetin orynbasary tabiǵi sipattaǵy tótenshe jaǵdaidy joiý basshysy bolyp taǵaiyndalsyn. Oǵan tabiǵi sipattaǵy tótenshe jaǵdaidy joiýǵa baǵyttalǵan is-sharalardy júrgizý tapsyrylsyn", - delingen oblys ákiminiń sheshiminde.
Sondai-aq Atyraý oblysynyń bilim berý mekemelerinde sabaq oflain formatta jalǵasatynyn jazǵan bolatynbyz.
