قازاقستاندا ماگيستراتۋرا مەن دوكتورانتۋراعا قابىلداۋ تالاپتارى ٶزگەردٸ.
بۇل جايىندا ەلٸمٸزدٸڭ بٸلٸم جەنە عىلىم مينيسترٸ اسحات ايماعامبەتوۆ Facebookپاراقشاسىندا مەلٸم ەتتٸ.
«جوعارى وقۋ ورىندارىنىڭ قاۋىمداستىعى مەن رەكتورلار كەڭەسٸ تامىز كەڭەسٸنٸڭ وتىرىسىندا ماگيستراتۋرا مەن دوكتورانتۋراعا قابىلداۋعا قاتىستى ۇسىنىستار ەنگٸزگەن بولاتىن. ەگجەي-تەگجەيلٸ تالقىلاۋدان كەيٸن بٸز قابىلداۋ ەرەجەلەرٸنە ٶزگەرٸستەر ەنگٸزۋ تۋرالى شەشٸم قابىلدادىق. ەندٸ ماگيستراتۋرا مەن دوكتورانتۋراعا قابىلداۋ جىلىنا ەكٸ رەت ٶتكٸزٸلەدٸ.
ياعني, ماگيستراتۋرا مەن دوكتورانتۋراعا تٷسۋ ەمتيحاندارى دەستٷرلٸ تٷردە تامىز ايىندا جەنە قوسىمشا جەلتوقسان ايىندا ۇيىمداستىرىلادى. وسى نورما 2021 جىلى كٷشٸنە ەنەدٸ دەپ جوسپارلاپ وتىرمىز» دەپ جازادى مينيستر.
ونىڭ ايتۋىنشا, وسى ماقساتتا ۇلتتىق تەستٸلەۋ ورتالىعىنىڭ قىزمەتكەرلەرٸ كەشەندٸ تەستٸلەۋ مەن تٷسۋ ەمتيحاندارىن قوسىمشا ۇيىمداستىرادى.
قۇجاتتاردى قابىلداۋ قاراشا ايىندا باستالادى.
«ەلبەتتە, قۇجاتتارى مەن ەمتيحاندارىن تاپسىرۋعا, قاجەتتٸ سەرتيفيكاتتاردى الۋعا ٷلگەرمەگەن ازاماتتار ٷشٸن بۇل جاعىمدى جاڭالىق ەكەنٸ سٶزسٸز.
جازعى قابىلداۋ ناۋقانى مەن ٶتكٸزٸلگەن ەمتيحانداردىڭ قورىتىندىسى بويىنشا ماگيستراتۋرا مەن دوكتورانتۋراعا ارنالعان بٸلٸم بەرۋ گرانتتارىنىڭ ارتىق قالۋىنا بايلانىستى ازاماتتار وسى جىلدىڭ جەلتوقسان ايىندا مەملەكەتتٸك گرانتتاردى يەلەنە الادى.
دايىندىق باعىتتارى بٶلٸنٸسٸندە گرانتتاردىڭ سانى مەن قۇجاتتاردى قابىلداۋدىڭ ناقتى مەرزٸمدەرٸ تۋرالى اقپارات قوسىمشا جارييالانادى» دەپ تٷيٸندەدٸ سٶزٸن اسحات ايماعامبەتوۆ.
