Qazaqstanda magistratýra men doktorantýraǵa qabyldaý talaptary ózgerdi.
Bul jaiynda elimizdiń Bilim jáne ǵylym ministri Ashat Aimaǵambetov Facebookparaqshasynda málim etti.
«Joǵary oqý oryndarynyń qaýymdastyǵy men Rektorlar keńesi Tamyz keńesiniń otyrysynda magistratýra men doktorantýraǵa qabyldaýǵa qatysty usynystar engizgen bolatyn. Egjei-tegjeili talqylaýdan keiin biz qabyldaý erejelerine ózgerister engizý týraly sheshim qabyldadyq. Endi magistratýra men doktorantýraǵa qabyldaý jylyna eki ret ótkiziledi.
Iaǵni, magistratýra men doktorantýraǵa túsý emtihandary dástúrli túrde tamyz aiynda jáne qosymsha jeltoqsan aiynda uiymdastyrylady. Osy norma 2021 jyly kúshine enedi dep josparlap otyrmyz» dep jazady ministr.
Onyń aitýynsha, osy maqsatta Ulttyq testileý ortalyǵynyń qyzmetkerleri keshendi testileý men túsý emtihandaryn qosymsha uiymdastyrady.
Qujattardy qabyldaý qarasha aiynda bastalady.
«Álbette, qujattary men emtihandaryn tapsyrýǵa, qajetti sertifikattardy alýǵa úlgermegen azamattar úshin bul jaǵymdy jańalyq ekeni sózsiz.
Jazǵy qabyldaý naýqany men ótkizilgen emtihandardyń qorytyndysy boiynsha magistratýra men doktorantýraǵa arnalǵan bilim berý granttarynyń artyq qalýyna bailanysty azamattar osy jyldyń jeltoqsan aiynda memlekettik granttardy ielene alady.
Daiyndyq baǵyttary bólinisinde granttardyń sany men qujattardy qabyldaýdyń naqty merzimderi týraly aqparat qosymsha jariialanady» dep túiindedi sózin Ashat Aimaǵambetov.
