فوتو: arbat.media
رەسەي سٸم رەسمي ٶكٸلٸ مارييا زاحاروۆا جەرگٸلٸكتٸ جۋرناليستەردٸڭ سۇراعىنا جاۋاپ بەرە كەلە, قازاقستاندى ۋكراينانىڭ بۋچا قالاسىندا تٸگٸلگەن قازاقتىڭ كيٸز ٷيلەرٸنە قاتىستى تٷسٸنٸكتەمە بەرۋگە شاقىردى, دەپ حابارلايدى "ۇلت اقپارات" Azattyq Ruhy پورتالىنا سٸلتەمە جاساپ.
سولاي بولا تۇرا, زاحاروۆا «قازاقستان بيلٸگٸ بۇل اكتسيياعا قاتىسىمىز جوق دەپ سەندٸرگەنٸن» مەلٸمدەگەن.
«قازاقستانىڭ رەسمي تۇلعالارىنىڭ نازارىن عالامتوردا پايدا بولعان اقپاراتقا اۋدارتتىق. بٸزدٸ كەيبٸر باق ٶكٸلدەرٸ جازىپ جاتقان اقپارات شىندىققا جاناسپايتىنىنا جەنە قازاقستاننىڭ بيلٸگٸ بۇل اكتسيياعا قاتىسپاعانىنا سەندٸردٸ. رەسەي تاراپىنىڭ جاقىن سەرٸكتەسٸنە سەنبەيتٸندەي نەگٸزٸ جوق. بۇعان قاتىستى جاقىن كٷندەرٸ رەسمي تٷسٸنٸكتەمە كٷتەمٸز», - دەگەن زاحاروۆا.
ايتا كەتەيٸك, قاڭتاردىڭ باسىندا ۋكراينانىڭ كيەۆ وبلىسىندا رەسەي باسقىنشىلىعىنان قاتتى زارداپ شەككەن اۋماقتاردىڭ بٸرٸ بۋچادا "نەزلامنوستٸ" ياعني, "مىزعىماستىق" پۋنكتٸ اشىلعان ەدٸ. كيٸز ٷي ٸشٸندە ورنالاسقان پۋنكت تۇرعىندارعا قىس كەزٸندە جارىق پەن جىلۋ بولماعان شاقتا جىلىنىپ, تەلەفوندارىن قۋاتتاپ الۋ ٷشٸن اشىلعان.
بۇعان دەيٸن ۋكراين پارلامەنتٸنٸڭ دەپۋتاتى سەرگەي ناگورنياك فەيسبۋك جەلٸسٸندە جوبا قازاقستاندىق كەسٸپكەرلەر مەن ۋكرايناداعى قازاق دياسپوراسى ٶكٸلدەرٸنٸڭ ارقاسىندا پايدا بولعانىن حابارلاعان ەدٸ.
كيٸز ٷي ۋكرايناعا قازاقستاننان جەتكٸزٸلگەن.
