Foto: arbat.media
Resei SIM resmi ókili Mariia Zaharova jergilikti jýrnalisterdiń suraǵyna jaýap bere kele, Qazaqstandy Ýkrainanyń Býcha qalasynda tigilgen qazaqtyń kiiz úilerine qatysty túsinikteme berýge shaqyrdy, dep habarlaidy "Ult aqparat" Azattyq Ruhy portalyna silteme jasap.
Solai bola tura, Zaharova «Qazaqstan biligi bul aktsiiaǵa qatysymyz joq dep sendirgenin» málimdegen.
«Qazaqstanyń resmi tulǵalarynyń nazaryn ǵalamtorda paida bolǵan aqparatqa aýdarttyq. Bizdi keibir BAQ ókilderi jazyp jatqan aqparat shyndyqqa janaspaitynyna jáne Qazaqstannyń biligi bul aktsiiaǵa qatyspaǵanyna sendirdi. Resei tarapynyń jaqyn seriktesine senbeitindei negizi joq. Buǵan qatysty jaqyn kúnderi resmi túsinikteme kútemiz», - degen Zaharova.
Aita keteiik, qańtardyń basynda Ýkrainanyń Kiev oblysynda Resei basqynshylyǵynan qatty zardap shekken aýmaqtardyń biri Býchada "Nezlamnosti" iaǵni, "myzǵymastyq" pýnkti ashylǵan edi. Kiiz úi ishinde ornalasqan pýnkt turǵyndarǵa qys kezinde jaryq pen jylý bolmaǵan shaqta jylynyp, telefondaryn qýattap alý úshin ashylǵan.
Buǵan deiin ýkrain parlamentiniń depýtaty Sergei Nagorniak Feisbýk jelisinde joba qazaqstandyq kásipkerler men Ýkrainadaǵy qazaq diasporasy ókilderiniń arqasynda paida bolǵanyn habarlaǵan edi.
Kiiz úi Ýkrainaǵa Qazaqstannan jetkizilgen.
