«گرەممي» سىيلىعىنىڭ ۇيىمداستىرۋشىلارى كەلەسٸ جىلدان باستاپ ەنگٸزٸلەتٸن «ٷزدٸك ازييالىق پوپ-مۋزىكا» نوميناتسيياسىنا بايلانىستى BTS توبىنىڭ بايقاۋعا قاتىسۋدان باس تارتۋىنا قاتىستى مەلٸمدەمە جاسادى, دەپ حابارلايدى ult.kz.
ەلەمگە تانىمال كەي-پوپ توبى BTS جاڭا «Arirang» البومىن اتالعان نوميناتسيياعا ۇسىنبايتىنىن جارييالاعان. مۋزىكانتتار بۇل شەشٸمٸن مۋزىكانىڭ تٸل مەن گەوگرافييالىق شەكاراعا بٶلٸنبەۋٸ تيٸس دەگەن ۇستانىمىمەن تٷسٸندٸردٸ.
«مۋزىكانىڭ ادامداردىڭ جٷرەگٸنە ەشقانداي شەكارا مەن تٸلگە قاراماستان جەتكەنٸن قالايمىز. بٸزدٸ ەردايىم قولدايتىن ARMY جانكٷيەرلەرٸنە العىس ايتامىز», – دەدٸ توپ مٷشەلەرٸ.
بۇل شەشٸمگە قاتىستى پٸكٸر بٸلدٸرگەن دىبىس جازۋ اكادەميياسىنىڭ (Recording Academy) باس ديرەكتورى حارۆي مەيسون كٸشٸ BTS-تٸڭ تاڭداۋىنا قۇرمەتپەن قارايتىنىن ايتتى.
«BTS-تٸڭ بيىل "گرەممي" سىيلىعىنا قاتىسپاۋ تۋرالى شەشٸمٸ مەنٸ قىنجىلتادى. دەگەنمەن مۋزىكامەن اينالىساتىن ادام رەتٸندە ولاردىڭ تاڭداۋىن تٷسٸنەمٸن جەنە قۇرمەتتەيمٸن», – دەدٸ ول.
مەيسوننىڭ ايتۋىنشا, «ازييالىق پوپ-مۋزىكا» نوميناتسيياسى ازيياداعى پوپ-مۋزىكانىڭ تەرەڭدٸگٸ مەن جانرلىق ەرتٷرلٸلٸگٸن, سونداي-اق ونىڭ ەلەمدٸك تانىمالدىعىنىڭ ارتۋىن اتاپ ٶتۋ ٷشٸن قۇرىلعان.
ول جاڭا ساناتتىڭ ماقساتى ورىنداۋشىلاردى بٶلۋ ەمەس, كەرٸسٸنشە, كٶبٸرەك ەرتٸستٸڭ ەڭبەگٸن باعالاۋعا مٷمكٸندٸك بەرۋ ەكەنٸن اتاپ ٶتتٸ. سونىمەن قاتار, جانرلىق نوميناتسيياعا ٶتٸنٸم بەرگەن ورىنداۋشىلار «جىل البومى», «جىل ەنٸ», «جىل جازباسى» سيياقتى نەگٸزگٸ «گرەممي» ماراپاتتارىنا دا ٷمٸتكەر بولا الاتىنىن جەتكٸزدٸ.
ەسكە سالساق, 2027 جىلعى «گرەممي» سىيلىعىندا العاش رەت «ٷزدٸك ازييالىق پوپ-مۋزىكا» نوميناتسيياسى ەنگٸزٸلەدٸ. بۇل ساناتقا ازييالىق تٸلدەردٸڭ بٸرٸندە نەمەسە بٸرنەشەۋٸندە ورىندالعان پوپ-ەندەر مەن البومدار ۇسىنىلادى.
