بريتانييادا 77 جاسىندا سوۆەت ديسسيدەنتٸ, قۇقىق قورعاۋشى جەنە جازۋشى ۆلاديمير بۋكوۆسكيي قايتىس بولدى. ديسسيدەنت جٷرەگٸ كەمبريدج اۋرۋحاناسىندا توقتاعانىن بۋكوۆسكيي اتىنداعى ورتالىق حابارلادى, دەپ جازادى ازاتتىق.
بۋكوۆسكيي 1942 جىلى جەلتوقساننىڭ 30-ىنا باشقۇرت اۆتونومييالى رەسپۋبليكاسىنىڭ بەلەبەي قالاسىندا جازۋشى مەن جۋرناليست وتباسىندا دٷنيەگە كەلگەن. سوۆەت وداعى كوممۋنيستٸك پارتيياسىنىڭ بٸرٸنشٸ حاتشىسى نيكيتا حرۋششەۆتٸڭ 20 سەزدە ستاليندٸ ايىپتاعان بايانداماسىن تىڭداعاننان كەيٸن 14 جاستاعى جاسٶسپٸرٸم كوممۋنيستٸك يدەولوگييانىڭ بٸتٸسپەس قارسىلاسىنا اينالدى. 1959 جىلى قولجازبا جۋرنال شىعارۋعا قاتىسقانى ٷشٸن مەكتەپتەن شىعارىلىپ, بٸلٸمٸن كەشكە مەكتەپتە جالعاستىرۋعا مەجبٷر بولعان.
مەسكەۋ مەملەكەتتٸك ۋنيۆەرسيتەتٸندە وقىپ جٷرگەن شاعىندا, 1960 جىلى مەسكەۋدەگٸ ماياكوۆسكيي ەسكەرتكٸشٸنٸڭ الدىندا ٶتەتٸن جاستاردىڭ تۇراقتى جيىنىن ۇيىمداستىرۋشىلاردىڭ بٸرٸ بولدى. 1963 جىلى مامىر ايىندا يۋگوسلاۆ ميلوۆان دجيلاستىڭ "جاڭا تاپ" ("نوۆىي كلاسس") تۇجىرىمداماسىن كٶبەيتٸپ, تاراتۋعا تالپىنعانى ٷشٸن العاش رەت تۇتقىنعا الىندى. 1965 جىلى بوستاندىققا شىققان سوڭ اندرەي سينياۆسكيي مەن دانەلييانى قورعاۋعا ارنالعان "جارييالىلىق ميتينگٸسٸن" ەزٸرلەۋگە بەلسەنە قاتىستى. وسىدان كەيٸن پسيحياترييالىق اۋرۋحاناعا كٷشپەن جاتقىزىلدى.
"بۋكوۆسكييدٸ قورعاۋعا ارنالعان باتىستاعى بەلسەندٸ كامپانييادان كەيٸن 1966 جىلى تامىز ايىندا بوساپ شىقتى. ول انتيسوۆەتتٸك ٸس-ەرەكەتكە جەنە قارسىلىق اكتسييالارىن ۇيىمداستىرۋعا قاتىسقانى ٷشٸن بٸرنەشە رەت قامالدى" دەپ جازادى بي-بي-سي. بۋكوۆسكييدٸڭ 12 جىلى اباقتى مەن مەجبٷرلەپ ەمدەيتٸن پسيحياترييالىق اۋرۋحانادا ٶتتٸ.
1972 جىلى ۆلاديمير بۋكوۆسكييدٸ 7 جىلعا سوتتاپ, بەس جىل ايداۋعا جٸبەردٸ. 1976 جىلى بۋكوۆسكييگە بوستاندىق سۇراعان حالىقارالىق كامپانييانىڭ نەتيجەسٸندە سوۆەت ٶكٸمەتٸ ونى چيلي كومپارتيياسىنىڭ جەتەكشٸسٸ لۋيس كورۆالانعا ايىرباستاۋعا كەلٸستٸ.
