تەلٸپتەردەن ٷرەيلەنگەن مىڭداعان اۋعان كابۋل ەۋەجايىنا اعىلىپ, كٸسٸ كەپتەلٸسٸ كەزٸندە جەتٸ ادام مەرت بولدى. بۇل تۋرالى جەكسەنبٸ, 22 تامىز كٷنٸ ۇلىبريتانييا ەسكەرٸ حابارلادى, دەپ جازادى ازاتتىق.
ەۋەجاي تٷبٸندەگٸ دٷربەلەڭدٸ تەلٸپتەردٸڭ اسپانعا قاراتا وق جاۋدىرۋى ودان ەرٸ ۋشىقتىرعان. قۋىس جەرگە تىعىزدالعان ادامدار بٸر جاقتان ەكٸنشٸ جاققا كەنەت اعىلىپ, تولقىنعا ٸلەسە الماعاندار جاراقاتتانىپ جاتىر.
"وقيعا ورنىنداعى جاعداي اسا سىندارلى بولىپ تۇر, بٸراق بٸز ونى مەيلٸنشە قاۋٸپسٸز ەتۋگە تىرىسىپ جاتىرمىز" دەدٸ ۇلىبريتانييا قورعانىس مينيسترلٸگٸ باسپاسٶز حابارلاماسىندا.
دٷيسەنبٸ, 16 تامىز كٷنٸ مىڭداعان اۋعان كابۋل ەۋەجايىنىڭ ۇشۋ الاڭىنا شىعىپ كەتٸپ, ۇشاقتاردىڭ ەۋەگە كٶتەرٸلۋٸن تەجەگەن. كەيبٸرٸ امەريكالىق جٷك ۇشاعىنىڭ دٶڭگەلەگٸنە جابىسىپ, ۇشاق ەۋەگە كٶتەرٸلگەندە جەرگە قۇلاپ وپات بولدى.
15 تامىز كٷنٸ اۋعان اۋداندارىنىڭ باسىم بٶلٸگٸن جاۋلاپ العان "تاليبان" (قازاقستاندا تەرروريستٸك ۇيىم دەپ تانىلعان) كابۋلگە كٸرٸپ, اۋعانستان بيلٸگٸن ٶز قولىنا العانىن مەلٸمدەدٸ. باتىس ەلدەرٸ ٶز ديپٶكٸلدٸكتەرٸ مەن ولارعا قىزمەت ەتكەن اۋعان ازاماتتارىن ەۆاكۋاتسييالاۋعا كٶشٸپ, كابۋلدەگٸ حالىقارالىق ەۋەجاي ەۆاكۋاتسييا ورتالىعىنا اينالدى. اقش ازاماتتاردى ەلدەن الىپ شىعۋ وپەراتسيياسىن جٷزەگە اسىرۋ ٷشٸن كابۋلگە مىڭداعان سارباز جۇمسادى.
ەۋەجاي تٷبٸندەگٸ دٷربەلەڭ مەن بەيبەرەكەتتٸڭ سالدارىنان قانشا ادام وپات بولعانىن دەل ايتۋ قيىن.
