برازيلييالىق جەنە يسپانييالىق عالىمدار بٸرنەشە مينۋت ٸشٸندە كوروناۆيرۋستى بەيتاراپتاندىراتىن ماتا جاساپ شىعاردى, دەپ حابارلايدى "ۇلت اقپارات" Agencia Brasil باسىلىمىنا سٸلتەمە جاساپ.
برازيليياداعى سان-پاۋلۋ ۋنيۆەرسيتەتٸ جانىنداعى بيومەديتسينا عىلىمدارى ينستيتۋتى, يسپانيياداعى جاۋمە I ۋنيۆەرسيتەتٸ جەنە برازيليياداعى فۋنكتسيونالدىق ماتەريالداردى ەزٸرلەۋ ورتالىعىنىڭ عالىمدارى كوروناۆيرۋس ينفەكتسيياسىن تۋعىزاتىن SarS-CoV-2 ۆيرۋسىن بٸرنەشە مينۋتتا بەيتاراپتاندىراتىن ماتا جاساپ شىعاردى.
جوباعا Nanox نانوتەحنولوگييا كومپانيياسى دا قوسىلدى.
عالىمداردىڭ ايتۋىنشا, ماتا جاڭا كوروناۆيرۋستىڭ 99,9%-ىن شامامەن ەكٸ مينۋتتىڭ ٸشٸندە بەيتاراپتاندىرادى. ماتا اۋرۋحاناعا ارنالعان كيٸمدٸ دايىنداۋعا پايدالانىلادى جەنە جاقىن ارادا ساتىلىمعا شىعادى.
ماتانىڭ قۇرامىنا پوليەستەر مەن ماقتا, سونىمەن قاتار كٷمٸس ميكروبٶلشەكتەرٸنٸڭ قاباتى كٸرەدٸ. ۇساق كٷمٸس بٶلشەكتەرٸن قولدانۋ بۇرىننان بار ەدٸس. ول توقىما, كوسمەتيكا, لاك-بوياۋ ٶنەركەسٸبٸندە پايدالانىلاتىن.
بيومەديتسينا عىلىمدارى ينستيتۋتىنىڭ 3-شٸ دەرەجەلٸ بيوقاۋٸپسٸزدٸك زەرتحاناسىنىڭ زەرتتەۋشٸسٸ لۋسيو فرەيتاس Agência Brasil اگەنتتٸگٸنە ماتانىڭ تيٸمدٸلٸگٸ برازيلييادا كوروناۆيرۋس جۇقتىرعان العاشقى ناۋقاستاردىڭ بٸرٸنەن الىنعان جاڭا كوروناۆيرۋس ٷلگٸسٸن پايدالانىپ تەكسەرٸستەن ٶتكەنٸن حابارلادى.
ماتانىڭ شىنىندا تيٸمدٸ ەكەنٸنە كٶز جەتكٸزۋ ٷشٸن عالىمدار مولەكۋلالىق تالداۋدىڭ ەكٸنشٸ كەزەڭٸن ٶتكٸزدٸ. ٶنٸمدٸ ساتىلىمعا شىعارماس بۇرىن عالىمدار ماتانىڭ ۆيرۋسقا قارسى, انتيميكروبتىق جەنە ساڭىراۋقۇلاقتارعا قارسى قاسيەتٸنەن بٶلەك اللەرگييا جەنە باسقا دا اعزانىڭ كەرٸ ەسەرٸن تۋىنداتپايتىنىن تەكسەردٸ.
