قازاقستاندا براكونەرلٸكپەن كٷرەستٸ كٷشەيتۋ جٶنٸندەگٸ زاڭنامالىق نورمالار پارلامەنتكە وسى ايدا ەنگٸزٸلەدٸ, دەپ حابارلايدى قازاقپارات.
«براكونەرلٸك قىلمىس ٷشٸن جاۋاپكەرشٸلٸكتٸ كٷشەيتۋ كەرەك. قازٸرگٸ ۋاقىتتا براكونەرلٸك ۇيىمداسقان قىلمىس سيپاتىن الىپ, تابيعاتتى قورعاۋ تۋرالى زاڭنامانىڭ ٶرەسكەل بۇزىلۋ فاكتٸلەرٸ جىل سايىن كٶبەيمەسە, ازاياتىن ەمەس. بيىل تٸركەلگەن «وحوتزوپرومنىڭ» ەكٸ ينسپەكتورىنىڭ ٶلٸمٸ, مارقاكٶلدەگٸ براكونەرلەردٸڭ قىلمىستىق ەرەكەتتەرٸ, كاسپيي تەڭٸزٸندەگٸ بەكٸرە تۇقىمداس بالىقتارعا جاسالعان براكونەرلٸك وسى سٶزٸمٸزگە ايقىن دەلەل بولا الادى. وسىعان بايلانىستى, مەملەكەت باسشىسى براكونەرلٸك ٷشٸن جاۋاپكەرشٸلٸكتٸ كٷشەيتۋ ٷشٸن ناقتى شارالاردى قولعا الۋدى تاپسىردى», - دەدٸ قازاقستان رەسپۋبليكاسىنىڭ ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ۆەدومستۆودا ٶتكەن القا وتىرىستا.
مينيستردٸڭ ايتۋىنا قاراعاندا, اتالعان باعىتتا جۇمىس باستالىپ كەتكەن. ياعني, براكونەرلٸك ماقساتتا پايدالانىلعان قارۋلاردى, كەرەك-جاراقتاردى مٸندەتتٸ تٷردە تەركٸلەۋ ەرەجەلەرٸ زاڭناماعا ٶزگەرٸس رەتٸندە ەنگٸزٸلگەلٸ وتىر.
«سول سەكٸلدٸ, براكونەرلٸك ٷشٸن سانكتسييا كٷشەيتٸلدٸ. ينسپەكتورلاردىڭ ٶسٸمدٸك جەنە جانۋارلار ەلەمٸن قورعاۋ باعىتىنداعى قۇزٸرەتٸ ارتتى. سونىمەن قاتار, مينيسترلٸك باس پروكۋراتۋرامەن جەنە ٶزگە دە جاۋاپتى ورگاندارمەن بٸرگە براكونەرلٸكپەن كٷرەستٸ كٷشەيتۋ شارالارىن قولعا الۋدا. بۇل رەتتە قىزمەتتٸك بورىشىن ٶتەۋ كەزٸندە قورىقشىلاردىڭ نەمەسە ولاردىڭ تۋىستارىنىڭ ٶمٸرٸنە قاستاندىق جاساۋ قىلمىسىنا سانكتسييالار كٷشەيتٸلدٸ», - دەدٸ ول.
ماعزۇم مىرزاعاليەۆ بۇل ۇسىنىستار باس پروكۋراتۋرانىڭ جانىنداعى قۇقىقتىق ساياسات جٶنٸندەگٸ كەڭەستە قولداۋ تاپقانىن بايان ەتتٸ.
«مەجٸلٸسكە زاڭ جوباسى وسى ايدا ەنگٸزٸلەدٸ», - دەدٸ مينيستر.
