«بوزجىرا» قوعام مەن مامانداردىڭ وي-پٸكٸرٸ ەسكەرٸلە وتىرىپ جٷزەگە اسىرىلادى. بۇل تۋرالى ماڭعىستاۋ وبلىسىنىڭ ەكٸمٸ سەرٸكباي ترۇموۆ ورتالىق كوممۋنيكاتسييالار قىزمەتٸندە ٶتكەن بريفينگتە مەلٸم ەتتٸ.
ونىڭ ايتۋىنشا, كوروناۆيرۋس پاندەميياسى - ەلەمدە تۋريستٸك سالاداعى جاعدايدىڭ كٷردەلەنۋٸنە قاراماستان, ٸشكٸ تۋريزمنٸڭ ٶسۋٸنە ايتارلىقتاي ىقپال ەتتٸ.
«بيىل تەڭٸز جاعالاۋىندا بەس جۇلدىزدى قوناقٷيدٸڭ اشىلۋىمەن, ٶڭٸرگە كەلگەن تۋريستەر سانىنىڭ ارتقانىن بايقاپ وتىرمىز. كەلگەن ساياحاتتاۋشىلار ماڭعىستاۋدىڭ تابيعي جەرلەرٸن دە ارالاپ, ەسٸرەسە بوزجىرا شاتقالىنا قىزىعۋشىلىق تانىتۋدا. بوزجىراعا تەك تامىز-قازان ارالىعىندا 2 مىڭعا جۋىق ادام بارعان. كەلەر جىلى بۇل سان 5 ەسە ٶسەدٸ دەگەن بولجام بار. تۋريستەردٸڭ قورىققا بەيبەرەكەت بارىپ, ٶزدٸگٸنشە جٷرۋٸ – تابيعاتقا وراسان زييان كەلتٸرۋدە. سوندىقتان بوزجىراعا باراتىن جول سالىپ, تۋريستەردٸڭ جايلى دەمالۋىنا جاعداي جاساۋىمىز كەرەك. پرەزيدەنت تە وسى جاعدايعا بايلانىستى پٸكٸرٸن بٸلدٸرٸپ, ەكوتۋريزمدٸ ٶركەنيەتتٸ جولمەن دامىتۋدى قولدايتىنىن ايتتى. مەملەكەت باسشىسى تاپسىرعانداي, بۇل جوبا ساراپشىلاردىڭ, قوعامدىق كەڭەستەر مەن جاۋاپتى سالا جەتەكشٸلەرٸنٸڭ وي-پٸكٸرلەرٸ ەسكەرٸلە وتىرا جٷزەگە اسىرىلادى», - دەدٸ س. ترۇموۆ.
بوزجىرا اۋماعىندا سافاري-وتەل سالۋ يدەياسىن «Rixos» قوناقٷي كەشەنٸن ٸسكە قوسقان ينۆەستورلار ۇسىنعان. قازٸر جوبالاۋ جۇمىستارى جٷرٸپ جاتىر. ينۆەستور بوزجىراداعى قوناقٷيدٸ شاتقالدان 2 شاقىرىم جەردە سالۋدى ۇسىنىپ وتىر. جوباسى دايىن بولعان سوڭ قوعام تالقىسىنا ۇسىنىلادى.
«بٸلە بٸلسەك, بۇل – بٸزگە بەرٸلٸپ تۇرعان زور مٷمكٸندٸك. ٸرٸ ينۆەستور ەل تۋريزمٸن دامىتۋعا مول قارجى قۇيعالى وتىر. مۇنايعا عانا تەۋەلدٸ – بولۋ بولاشاق ٷشٸن قاۋٸپتٸ. كٶپ ەلدٸڭ تەجٸريبەسٸ كٶرسەتٸپ وتىرعانداي تۋريزمدٸ دامىتۋ ارقىلى, ەكونوميكامىزدى ٶركەندەتە الامىز. شاعىن جەنە ورتا بيزنەستٸڭ دامۋىنا, جەرگٸلٸكتٸ ازاماتتاردىڭ جۇمىسپەن قامتىلۋىنا جول اشامىز. قۇرمەتتٸ ازاماتتار, جۋرناليستەر, مەن دە ٶز ەلٸمنٸڭ پاتريوتىمىن, تۋعان جەرٸمنٸڭ جاناشىرىمىن. ازاماتتارىمىز تابىس تاۋىپ, جاعدايىن جاقسارتىپ جاتسا – قۋانامىن», - دەدٸ ماڭعىستاۋ وبلىسىنىڭ ەكٸمٸ.
