قر ەنەرگەتيكا مينيسترٸ قانات بوزىمباەۆ مينيسترلٸكتٸڭ كەڭەيتٸلگەن القا وتىرىسىندا قازاقستانداعى جانار-جاعارماي سالاسىنداعى احۋال تۋرالى باياندادى, دەپ حابارلايدى "ۇلت اقپارات".
“2017 جىلمەن سالىستىرعاندا مۇنايدى قايتا ٶڭدەۋ كٶلەمٸ 8,6 پايىزعا ارتىپ, 16,4 ملن توننانى قۇرادى. اعىمداعى جىلى 17,2 ملن توننا مۇناي ٶڭدەۋ جوسپارلانعان, بۇل 2018 جىلمەن سالىستىرعاندا 5 پايىزعا كٶپ. مۇناي ٶنٸمدەرٸنٸڭ نەگٸزگٸ تٷرلەرٸن ٶندٸرۋ كٶلەمٸ 2018 جىلى 2017 جىلعا قاراعاندا 9,4 پايىزعا ارتتى. اعىمداعى جىلعى جوسپار - 2018 جىلعى دەڭگەيدەن 5 پايىزدىق ٶسٸممەن 12,2 ملن توننا بولدى”, - دەدٸ بوزىمباەۆ.
2018 نارىقتى وتاندىق مۇناي ٶنٸمدەرٸمەن قامتۋ كەلٸسٸدەي كٶرسەتكٸشكە جەتكەن: بەنزين – 93,2%, ديزەل وتىنى – 91,1%, ەۋە كەروسينٸ – 62%.
“بيىل نارىقتى وتاندىق بەنزين, ديزەل وتىنى, ەۋە كەروسينٸمەن 100% قامتاماسىز ەتەمٸز. العاشقى جارتى جىلدىقتا مۇناي ٶنٸمدەرٸن ورتالىق ازييا ەلدەرٸنە ەكسپورتتاۋدى جوسپارلاپ وتىرمىز. زاڭنامالىق بازا اياقتالۋ ساتىسىندا”, - دەدٸ مينيستر.
ول ۆيتسە-مينيستر بولات اقشولاقوۆقا زاڭناماعا ٶزگەرٸستەر ەنگٸزۋ مەن كەلٸسٸمدەردٸ راتيفيكاتسييالاۋ مەسەلەلەرٸن قاتاڭ باقىلاۋعا الۋدى تاپسىردى.
مينيستر بەنزين باعاسىنىڭ تٶمەندەگەنٸن دە اتاپ ٶتتٸ.
"2018 جىلدىڭ باسىنان اي-92 ماركالى بەنزيننٸڭ بٶلشەك باعاسىنىڭ 4% تٶمەندەۋٸ بايقالادى. بيىل اقپان ايىندا الماتى قالاسىندا اي-92 ماركاسىنىڭ ەڭ تٶمەنگٸ باعاسى 139 تەڭگەنٸ قۇرادى", - دەدٸ ەنەرگەتيكا مينيسترلٸگٸنٸڭ باسشىسى.
