قر ەنەرگەتيكا مينيسترٸ قانات بوزىمباەۆ وتاندىق بەنزيندٸ ەكسپورتتاۋ مەسەلەسٸ تۋرالى ايتىپ بەردٸ, دەپ حابارلايدى "ۇلت اقپارات".
«بيىل بٸز ٶزٸمٸزدٸڭ مۇناي ٶنٸمدەرٸن كٶرشٸلەرگە تاسىمالداۋدى باستايمىز. بٷگٸن الماتىدا قىرعىز ەرٸپتەستەرٸمٸزبەن اراداعى كەلٸسسٶزدەر اياقتالىپ جاتىر. كەلەسٸ اپتادا سەناتتا قازاقستان مەن رەسەي اراسىنداعى كەلٸسٸمدٸ راتيفيكاتسييالاۋ مەسەلەسٸ قارالادى. بۇعان دەيٸنگٸ قۇجاتتا ٶز ەلٸمٸزدەن مۇناي ٶنٸمدەرٸن ەكسپورتتاۋعا تىيىم سالىنعان بولاتىن. ال جاڭا كەلٸسٸم ول شەكتەۋدٸ الىپ تاستاپ, ەكپورتىمىزعا جول اشاتىن بولادى. سوندىقتان, شامامەن ناۋرىز ايىندا, وسى توقساننىڭ اياق جاعىنا قاراي بٸز ەكسپورتتى باستايتىن شىعارمىز», - دەدٸ ق.بوزىمباەۆ قوعامدىق كەڭەستٸڭ وتىرىسىندا.
مينيستردٸڭ ايتۋىنشا, مۇناي ٶڭدەۋ زاۋىتتارىن مودەرنيزاتسييادان ٶتكٸزگەننەن كەيٸن دايىن ٶنٸمنٸڭ كٶلەمٸ ارتقان. ال, ەڭ باستىسى, جانار-جاعارمايدىڭ ساپاسى ك-4 جەنە ك-5 دەرەجەسٸنە دەيٸن كٶتەرٸلدٸ.
«نەگٸزٸ, اعىمداعى جىلدىڭ بٸرٸنشٸ توقسانىندا بٸزدە بەنزين ارتىعىمەن ٶندٸرٸلەدٸ. مازۋت تا, ەۋەكەروسينٸ دە سولاي. سوندىقتان بٸز مۇناي ٶنٸمدەرٸن كٶبٸنەسە ورتالىق ازييا ەلدەرٸنە تاسىمالداۋدى جوسپارلاپ وتىرمىز. بەرٸمٸز جاقسى بٸلەمٸز, قازاقستان ۇزاق جىلدار بويى مۇناي ٶنٸمدەرٸ بويىنشا نەتتو-يمپورتەر بولدى. مۇناي ٶندٸرۋشٸ مەملەكەت بولساق تا, وسى سالاداعى ٶنٸمدەردٸ يمپورتتاپ كەلدٸك. ەندٸ مۇناي ٶڭدەۋ زاۋىتتارىن جاڭعىرتقاننان كەيٸن ٶز ٶنٸمدەرٸمٸز كٶبەيدٸ. سونى ەكسپورتقا شىعارۋ قاجەت», - دەپ اتاپ كٶرسەتتٸ ق.بوزىمباەۆ.
