اقش فەدەرالدى اپەلياتسييالىق سوتى 2013 جىلعى بوستون مارافونىنداعى جارىلىس ٷشٸن سوتتالعان دجوحار تسارناەۆتى ٶلٸم جازاسىنا كەسۋ تۋرالى ٷكٸمدٸ جويدى.
31 شٸلدە كٷنٸ اقش-تاعى بٸرٸنشٸ وكرۋگتٸڭ اپەللياتسييالىق سوتى دجوحار تسارناەۆتىڭ ٷكٸمٸندەگٸ بارلىق دەرلٸك ايىپتى كٷشٸندە قالدىردى, بٸراق جازانىڭ قانداي بولاتىنىن قايتا انىقتاۋ ٷشٸن ٸستٸ وكرۋگ سۋدياسىنا جولدادى.
2013 جىلى 15 سەۋٸردەگٸ مارافون كەزٸندە تسارناەۆ اعاسىمەن بٸرگە مەرە سىزىعىنىڭ ماڭىندا جارىلىس جاساپ, ٷش ادامدى ٶلتٸرگەن, 260-تان استام ادامدى جاراقاتتاعان. دجوحار تسارناەۆتىڭ اعاسى تامەرلان تٶرت كٷننەن كەيٸن پوليتسييامەن اتىستا قازا تاپقان. ال دجوحار تسارناەۆتىڭ ٶزٸ ەكٸ جىلدان كەيٸن 2015 جىلى ٶلٸم جازاسىنا كەسٸلگەن.
ول قولدان جاسالعان ەكٸ جارىلعىش زاتىن ورناتتى, پوليتسييا قىزمەتكەرٸن ٶلتٸردٸ دەگەن ايىپتار بويىنشا كٸنەلٸ دەپ تابىلدى. ٷكٸم شىعارىلار كەزدە تسارناەۆ تاعىلعان ايىپتاردى مويىندادى.
اپەلياتسييالىق شاعىمدى قاراعان سۋديالاردىڭ ٷشەۋٸ دە ٶلٸم جازاسىنا كەسۋ تۋرالى ٷكٸمنٸڭ جويىلۋ كەرەك دەدٸ. بٸراق سۋديا رودجەر تومپسون تسارناەۆتىڭ "ٶمٸر بويى تٷرمەدە وتىراتىنىن, مەسەلە ونىڭ ٶلٸم جازاسىنا كەسٸلۋ-كەسٸلمەۋٸندە" ەكەنٸن ايتتى.
بوستانداعى جارىلىس ٷشٸن ايىپتالعانداردىڭ قاتارىندا قازاقستاندىق ستۋدەنتتەر دە بولعان. تسارناەۆپەن دارتمۋت ۋنيۆەرسيتەتٸندە بٸرگە وقىعان دياس قادىرباەۆ پەن ازامات تەجاياقوۆ "تسارناەۆتىڭ جارىلىسقا قاتىسى بار ەكەنٸن دەلەلدەيتٸن ايعاقتاردى جويۋعا تىرىستى" دەپ ايىپتالىپ, بٸرٸنشٸسٸ التى جىلعا, ەكٸنشٸسٸ ٷش جارىم جىلعا سوتتالعان. 2016 جىلدىڭ جازىندا ازامات تەجاياقوۆ جازاسىن ٶتەپ قازاقستانعا ورالدى. دياس قادىرباەۆ 2018 جىلى مەرزٸمٸنەن بۇرىن بوساتىلىپ, قازاقستانعا دەپورتاتسييالاندى.
