«بولاشاق» حالىقارالىق ستيپەنديياسىمەن بٸلٸم العان جاستاردىڭ شەتەلدە جۇمىس ٸستەۋٸنە مٷمكٸندٸك بەرۋ كەرەك. بۇل پٸكٸردٸ BelnTech تەحنولوگييالىق كومپانيياسىنىڭ باسشىسى باعدات مۋسين استانادا Qazaqstan Technology فورۋمىندا ايتتى, دەپ حابارلايدى قازاقپارات تٸلشٸسٸ.
«شەتەلدە جۇمىس ٸستەگٸسٸ كەلەتٸن بولاشاقتىقتارعا رۇقسات بەرۋ كەرەك. بٸراق, بۇل پروتسەسس بٸزدٸڭ ەلشٸلٸكتەرمەن تىعىز قارىم-قاتىناستا جٷرۋٸ تيٸس. ەگەر باعدارلاما تٷلەگٸ جوعارى تەحنولوگييالىق كومپانييادا جۇمىس ٸستەسە, ونى قازاقستاندا 5 جىل جۇمىس ٸستەۋگە مٸندەتتەپ قويۋ جارامايدى», - دەدٸ باعدات مۋسين.
ونىڭ ايتۋىنشا, «بولاشاق» باعدارلاماسى كەلەر ۇرپاقتىڭ زيياتكەرلٸك بولاشاعىن قالىپتاستىرۋعا باعىتتالعان.
«ەلەمنٸڭ ٷزدٸك وقۋ ورنىندا 4-5 جىل وقىپ كەلگەن زيياتكەر ۇرپاق قازاقستانعا كەلٸپ, ٶز مٷمكٸندٸكتەرٸن تولىق پايدالانا المايتىن مەملەكەتتٸك مەكەمەگە جۇمىسقا تۇرادى. ولاردى جٸبەرۋ كەرەك, شەتەلدە جۇمىس ٸستەپ, قازاقستانعا يدەيا نەمەسە ەنشٸلەس قور قۇرا الادى. سوندا عانا «بولاشاق» تٷلەكتەرٸ ٶزگە قازاقستاندىقتارعا ٷلگٸ بولارلىقتاي نەتيجە كٶرسەتەدٸ», - دەيدٸ باعدات مۋسين.
«بولاشاق» حالىقارالىق ستيپەنديياسى قازاقستان رەسپۋبليكاسىنىڭ پرەزيدەنتٸ ن.Ə.نازارباەۆتىڭ 1993 جىلعى 5 قاراشاداعى قاۋلىسىمەن قۇرىلعان. بعم كەلتٸرگەن مەلٸمەتتەرگە سەيكەس, 25 جىلدا «بولاشاق» حالىقارالىق ستيپەنديياسى 13 مىڭعا جۋىق ٷمٸتكەرگە بەرٸلگەن.
