بيىلعى جىلى ەڭبەك نارىعىنىڭ ترەندتەرٸن تالداۋدىڭ نەتيجەسٸندە, “بولاشاق” باعدارلاماسىنىڭ باسىم ماماندىقتار تٸزٸمٸنە يننوۆاتسييالار, جاڭا تەحنولوگييالار, مەديتسينا جەنە يندۋسترييالىق ينجەنەرييا, جاراتىلىستانۋ عىلىمدارى سالاسىنداعى 40 جاڭا ماماندىق قوسىلدى. بۇل تۋرالى «حالىقارالىق باعدارلامالار ورتالىعى» اق باسقارما تٶراعاسى ەنۋار جانعوزين جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
«وسى رەتتە 17 ماماندىقتىڭ اتاۋلارى كەڭەيتٸلٸپ, بۇرىننان بار ماماندىقتار قاتارىنا قوسىلسا, ال 23-ٸ - جاڭا ماماندىقتار رەتٸندە ەنگٸزٸلٸپ وتىر. جالپى العاندا, باسىم ماماندىقتاردىڭ تٸزٸمٸ تەحنيكالىق باعىتتاعى ماماندىقتارمەن 30%-عا كەڭەيتٸلدٸ.
حالىقارالىق باعدارلامالار ورتالىعى باسىم ماماندىقتاردى انىقتاۋ ٷشٸن جوعارى جەنە جوعارى وقۋ ورنىنان كەيٸنگٸ بٸلٸمٸ بار كادرلارعا قاجەتتٸلٸگٸ تۋرالى مەملەكەتتٸك ورگاندار مەن ۇيىمداردان كەلٸپ تٷسكەن 70-كە جۋىق ٶتٸنٸمٸنە تالداۋ جاسادى. كادرلىق نارىقتىڭ ورتا مەرزٸمدٸ بولجامى ەسكەرٸلدٸ. مەملەكەتتٸك ورگاندار, جوو, عىلىمي ورتالىقتار, يندۋسترييا جەنە بيزنەس ٶكٸلدەرٸنٸڭ قاتىسۋىمەن ساراپتامالىق كەزدەسۋلەر ٶتكٸزدٸك» - دەپ جازدى ول.
بيىلعى جىلى شەتەلدٸك جوعارى وقۋ ورىندارىندا بٸلٸم الۋعا ارنالعان باسىم ماماندىقتار تٸزٸمٸنە جالپى اكادەمييالىق وقۋعا ارنالعان 92 ماماندىق جەنە تاعىلىمدامادان ٶتۋگە ارنالعان 158 ماماندىق كٸرگەن. تٸزٸمدٸ "حالىقارالىق باعدارلامالار ورتالىعى" اق رەسمي سايتىنان قاراۋعا بولادى.
