Biylǵy jyly eńbek naryǵynyń trendterin taldaýdyń nátijesinde, “Bolashaq” baǵdarlamasynyń basym mamandyqtar tizimine innovatsiialar, jańa tehnologiialar, meditsina jáne indýstriialyq injeneriia, jaratylystaný ǵylymdary salasyndaǵy 40 jańa mamandyq qosyldy. Bul týraly «Halyqaralyq baǵdarlamalar ortalyǵy» AQ Basqarma tóraǵasy Ánýar Janǵozin jelidegi paraqshasynda jazdy, dep habarlaidy "Ult aqparat".
«Osy rette 17 mamandyqtyń ataýlary keńeitilip, burynnan bar mamandyqtar qataryna qosylsa, al 23-i - jańa mamandyqtar retinde engizilip otyr. Jalpy alǵanda, basym mamandyqtardyń tizimi tehnikalyq baǵyttaǵy mamandyqtarmen 30%-ǵa keńeitildi.
Halyqaralyq baǵdarlamalar ortalyǵy basym mamandyqtardy anyqtaý úshin joǵary jáne joǵary oqý ornynan keiingi bilimi bar kadrlarǵa qajettiligi týraly memlekettik organdar men uiymdardan kelip túsken 70-ke jýyq ótinimine taldaý jasady. Kadrlyq naryqtyń orta merzimdi boljamy eskerildi. Memlekettik organdar, JOO, ǵylymi ortalyqtar, indýstriia jáne biznes ókilderiniń qatysýymen saraptamalyq kezdesýler ótkizdik» - dep jazdy ol.
Biylǵy jyly sheteldik joǵary oqý oryndarynda bilim alýǵa arnalǵan basym mamandyqtar tizimine jalpy akademiialyq oqýǵa arnalǵan 92 mamandyq jáne taǵylymdamadan ótýge arnalǵan 158 mamandyq kirgen. Tizimdi "Halyqaralyq baǵdarlamalar ortalyǵy" AQ resmi saitynan qaraýǵa bolady.
