«بولاشاق» باعدارلاماسى شەڭبەرٸندە شەتەلگە تاعىلىمداماعا جٸبەرٸلەتٸن عالىمداردى ٸرٸكتەۋ جالعاسىپ جاتىر, دەپ حابارلايدى قر بعم باسپاسٶز قىزمەتٸ.
جەتەكشٸ ماماندار مەملەكەت ەسەبٸنەن ەلەمنٸڭ ٷزدٸك جوعارى وقۋ ورىندارى مەن عىلىمي ورتالىقتارىندا تاعىلىمدامادان ٶتٸپ, بٸرلەسكەن عىلىمي زەرتتەۋلەردٸ جٷرگٸزە الادى.
ولاردىڭ اراسىندا اقش (دجوردج ۆاشينگتون, ميچيگان, ۆايومينگ, ۆيسكونسين, پەنسيلۆانييا, بوستون, وگايو, ميدلبەرري حالىقارالىق زەرتتەۋلەر ينستيتۋتى), ۇلىبريتانييا (لوندون يمپەرييالىق كوللەدجٸ, ريدينگ ۋنيۆەرسيتەتٸ, ليۆەرپۋل, Manchester Metropolitan University), گەرمانييا فەدەراتيۆتٸك رەسپۋبليكاسى (گۋمبولدت اتىنداعى بەرلين ۋنيۆەرسيتەتٸ), جاپونييا (توكيو ۋنيۆەرسيتەتٸ), بەلگييا (KU Leuven) جەنە ت.ب. ۋنيۆەرسيتەتتەر بار.
«مەملەكەت باسشىسىنىڭ تاپسىرماسى بويىنشا جىل سايىن 500 وتاندىق عالىم مەملەكەت ەسەبٸنەن بٸلٸم الىپ, تاعىلىمدامادان ٶتٸپ, بٸرلەسكەن زەرتتەۋ جۇمىستارىن جٷرگٸزە الادى. بيىل بٸزدٸڭ عالىمدار 80 ماماندىق بويىنشا اكادەمييالىق وقۋدان جەنە 137 ماماندىق بويىنشا تاعىلىمدامادان ٶتە الادى», – دەدٸ بٸلٸم جەنە عىلىم ۆيتسە-مينيسترٸ قۋانىش ەرعاليەۆ.
ٷزدٸك شەتەلدٸك وقۋ ورىندارىندا «عالىمدار» ساناتى بويىنشا تاعىلىمدامادان ٶتۋگە نيەت بٸلدٸرگەن عالىمداردى ٸرٸكتەۋ حالىقارالىق باعدارلامالار ورتالىعىمەن جٷرگٸزٸلەدٸ. اتالعان سانات بويىنشا تاعىلىمدامادان ٶتۋگە كانديداتتاردىڭ جالپى جۇمىس ٶتٸلٸ كەمٸندە ٷش جىل بولۋى تيٸس, ونىڭ ٸشٸندە سوڭعى 12 اي تاڭداعان ماماندىعى بويىنشا. ٶتٸنٸشتەردٸ قابىلداۋ 28 قازانعا دەيٸن جالعاسادى.
