«Bolashaq» baǵdarlamasy sheńberinde shetelge taǵylymdamaǵa jiberiletin ǵalymdardy irikteý jalǵasyp jatyr, dep habarlaidy QR BǴM baspasóz qyzmeti.
Jetekshi mamandar memleket esebinen álemniń úzdik joǵary oqý oryndary men ǵylymi ortalyqtarynda taǵylymdamadan ótip, birlesken ǵylymi zertteýlerdi júrgize alady.
Olardyń arasynda AQSh (Djordj Vashington, Michigan, Vaioming, Viskonsin, Pensilvaniia, Boston, Ogaio, Midlberri halyqaralyq zertteýler institýty), Ulybritaniia (London imperiialyq kolledji, Riding ýniversiteti, Liverpýl, Manchester Metropolitan University), Germaniia Federativtik Respýblikasy (Gýmboldt atyndaǵy Berlin ýniversiteti), Japoniia (Tokio ýniversiteti), Belgiia (KU Leuven) jáne t.b. ýniversitetter bar.
«Memleket basshysynyń tapsyrmasy boiynsha jyl saiyn 500 otandyq ǵalym memleket esebinen bilim alyp, taǵylymdamadan ótip, birlesken zertteý jumystaryn júrgize alady. Biyl bizdiń ǵalymdar 80 mamandyq boiynsha akademiialyq oqýdan jáne 137 mamandyq boiynsha taǵylymdamadan óte alady», – dedi Bilim jáne ǵylym vitse-ministri Qýanysh Erǵaliev.
Úzdik sheteldik oqý oryndarynda «ǵalymdar» sanaty boiynsha taǵylymdamadan ótýge niet bildirgen ǵalymdardy irikteý Halyqaralyq baǵdarlamalar ortalyǵymen júrgiziledi. Atalǵan sanat boiynsha taǵylymdamadan ótýge kandidattardyń jalpy jumys ótili keminde úsh jyl bolýy tiis, onyń ishinde sońǵy 12 ai tańdaǵan mamandyǵy boiynsha. Ótinishterdi qabyldaý 28 qazanǵa deiin jalǵasady.
