2022 جىلى «بولاشاق» باعدارلاماسى بويىنشا تەحنيكالىق جەنە IT ماماندىقتارعا گرانت سانى 36%-دان 60%-عا دەيٸن ٶسەدٸ. بۇل - وقىتۋدىڭ وسى باعىتتارى بويىنشا ٷمٸتكەرلەردٸ قولداۋدىڭ قوسىمشا شارالارىنىڭ بٸرٸ, دەپ حابارلايدى قازاقپارات.
سونىمەن قاتار, تەحنيكالىق دايىندىق باعىتتارى بويىنشا ٷمٸتكەرلەر ٷشٸن شەت تٸلٸن مەڭگەرۋگە ارنالعان IELTS تەستٸنٸڭ ورتاشا بالى تٶمەندەتٸلدٸ.
ەندٸ 5.0 بالل جەتكٸلٸكتٸ جەنە بٸر جىل تٸلدٸك دايىندىقتان ٶتۋ مٷمكٸندٸگٸ دە قاراستىرىلعان.
بۇل شارالار تەحنيكالىق ماماندىقتار بويىنشا وقىتۋ مٷمكٸندٸگٸن كەڭەيتەدٸ.
«قر بعم پرەزيدەنت قاسىم-جومارت توقاەۆتىڭ تاپسىرماسى بويىنشا باعدارلامانى قايتا باعدارلاۋ پروتسەسٸن باستادى. ەندٸ ينجەنەرلٸك-تەحنيكالىق كادرلاردى دايىنداۋ باسىمدىققا يە بولماق. سونداي-اق «ينجەنەرلٸك-تەحنيكالىق قىزمەتكەرلەر» جەڭٸلدەتٸلگەن ساناتىن ەنگٸزۋ قاراستىرىلىپ جاتىر. «بولاشاق» باعدارلاماسىنا قۇجات تاپسىرۋ كەزٸندە ولار مٸندەتتٸ تٷردە شەتەلدٸك ۋنيۆەرسيتەتتەرگە ٶز بەتٸنشە تٷسپەيدٸ. ولار الدىمەن تٸل كۋرستارىنان ٶتٸپ, ستيپەندييا تاعايىندالعاننان كەيٸن باعدارلاما بويىنشا وقۋعا ۇسىنىلعان ۋنيۆەرسيتەتتەر تٸزٸمٸنەن وقۋ ورنىن تاڭداي الادى», - دەپ اتاپ ٶتتٸ «حالىقارالىق باعدارلامالار ورتالىعى» اق پرەزيدەنتٸ ەنۋار جانعوزين.
سونىمەن قاتار اۋىلدىق جەرلەردەن كەلگەن ٷمٸتكەرلەردٸڭ دە مٷمكٸندٸكتەرٸن ارتتىرۋ جوسپارلانىپ وتىر.
مىسالى, IELTS نەتيجەسٸمەن اعىلشىن تٸلٸن مەڭگەرۋ دەڭگەيٸن 5.0 بالعا دەيٸن تٶمەندەتۋ, اۋىلدىق جەردە مٸندەتتٸ تۇرۋ مەرزٸمٸ 3 جىلدان 2 جىلعا دەيٸن قىسقارتۋ جوسپاردا بار, ولارعا تٸلدٸك دايىندىقتان ٶتۋگە مٷمكٸندٸك بەرٸلەدٸ.
ودان بٶلەك, اۋداندىق ماڭىزى بار قالا تۇرعىندارىن قوسۋ ارقىلى اۋىلدىق جەرلەردەن كانديداتتاردىڭ كونتينگەنتٸن كەڭەيتۋ جەنە ولاردىڭ سانىن ۇلعايتۋ ۇسىنىلدى.
