قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆتىڭ تٶراعالىق ەتۋٸمەن شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسى ٶتتٸ, دەپ حابارلايدى اقوردانىڭ باسپاسٶز قىزمەتٸ.
كوميسسييا وتىرىسىندا بٸلٸم جەنە عىلىم مينيسترٸ اسحات ايماعامبەتوۆتٸڭ شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ حاتتامالىق تاپسىرمالارىنىڭ ورىندالۋى تۋرالى ەسەبٸ تىڭدالدى, سونداي-اق, «بولاشاق» حالىقارالىق ستيپەنديياسىن ٸسكە اسىرۋعا قاتىستى بٸرقاتار مەسەلەلەر قارالدى.
كونكۋرسقا قاتىسۋعا ارنالعان قۇجاتتار «بولاشاق» حالىقارالىق ستيپەنديياسىن تاعايىنداۋ ٷشٸن ٷمٸتكەرلەردٸ ٸرٸكتەۋدٸڭ جاڭا قاعيدالارىنا سەيكەس قابىلدانادى. قاعيدالاردا مىنا ٶزگەرٸستەر كٶزدەلگەن: باسىم ماماندىقتار تٸزبەسٸ ەڭبەك نارىعىنداعى قاجەتتٸلٸك بولجامىن ەسكەرە وتىرىپ قالىپتاستىرىلادى, اۋىلدىق ەلدٸ مەكەندەردەن شىققان ٷمٸتكەرلەردٸ قوسپاعاندا, ٷمٸتكەرلەر «بولاشاق» حالىقارالىق ستيپەنديياسى شەڭبەرٸندە ۇسىنىلاتىن شەتەلدٸك جەتەكشٸ جوعارى وقۋ ورنىنان باسىم ماماندىققا وقۋ ٷشٸن شارتسىز شاقىرۋ ۇسىنۋ, شەتەلدٸك جوعارى وقۋ ورنىنان شارتسىز شاقىرۋى بار ٷمٸتكەر ٷشٸن GPA تالاپتارىن الىپ تاستاۋ, كونكۋرستىق ٸرٸكتەۋ كەزەڭدەرٸن التى تۋردان ٷش تۋرعا دەيٸن قىسقارتۋ, قولدانىستاعى بارلىق كۆوتالىق ساناتتاردى قىسقارتۋ, اعىلشىن تٸلٸندە الدىن الا تٸلدٸك دايىنداۋ قازاقستاندا تەك اۋىلدىق ەلدٸ مەكەندەردەن شىققان ٷمٸتكەرلەر ٷشٸن عانا جٷزەگە اسىرىلاتىن بولادى. بۇل رەتتە شەت تٸلٸن مەڭگەرۋ دەڭگەيٸنە قويىلاتىن تالاپتار كٷشەيتٸلەدٸ.
سونىمەن قاتار, «بولاشاق» حالىقارالىق ستيپەنديياسىن ٸسكە اسىرۋدىڭ جاڭا تەسٸلدەرٸ ەنگٸزٸلەدٸ. جاڭا تەسٸلدەر «بولاشاق» ستيپەنديياسىنا كونكۋرستىق ٸرٸكتەۋ تەتٸكتەرٸن جەتٸلدٸرۋ مەن اۆتوماتتاندىرۋدى «پرەزيدەنتتٸك جاستار كادرلىق رەزەرۆٸنە» ٸرٸكتەۋ تەسٸلٸ بويىنشا جٷرگٸزۋدٸ كٶزدەيدٸ.
وتىرىس قورىتىندىسى بويىنشا قىرىمبەك كٶشەرباەۆ ەسٸرەسە «بولاشاق» ستيپەنديانتتارىنىڭ وقۋ جەنە ەڭبەكپەن ٶتەۋ پروتسەسٸنە باقىلاۋ مەن مونيتورينگ جٷرگٸزۋدٸ كٷشەيتۋ جەنە مەملەكەت باسشىسى قاسىم-جومارت توقاەۆتىڭ بيىلعى 27 مامىردا ۇلتتىق قوعامدىق سەنٸم كەڭەسٸندە بەلگٸلەگەن مٸندەتتەردٸ ٸسكە اسىرۋ بويىنشا بٸرقاتار ناقتى تاپسىرما بەردٸ.
