فوتو: تۋريزم جەنە سپورت مينيسترلٸگٸ
قازاقستان ليۆەرپۋلدە ٶتكەن بوكستان ەلەم چەمپيوناتىندا تاريحي جەڭٸسكە جەتٸپ, جالپى كوماندالىق ەسەپتە بٸرٸنشٸ ورىن العان ەدٸ. چەمپيوندار مەن ولاردىڭ باپكەرلەرٸنە 100 مىڭ اقش دوللارىنان بەرٸلدٸ, دەپ حابارلايدىتۋريزم جەنە سپورت مينيسترلٸگٸنٸڭ باسپاسٶز قىزمەتٸ.
تۋريزم جەنە سپورت مينيسترٸ ەربول مىرزابوسىنوۆ سپورتشىلارمەن, باپكەرلەرمەن جەنە فەدەراتسييا ٶكٸلدەرٸمەن كەزدەسۋ ٶتكٸزٸپ, جەڭٸمپازداردى قۇتتىقتادى. ولارعا 30-دان 100 مىڭ اقش دوللارىنا (16 ميلليون تەڭگە مەن 55 ميلليون تەڭگە ارالىعى) دەيٸنگٸ سىياقىلار تابىستالدى. ۆەدومستۆو ٶكٸلدەرٸنٸڭ ايتۋىنشا, ەلدە سپورتشىلاردى دايىنداۋعا ەرٸ قاراي دا نازار اۋدارىلادى.
“قازٸر بٸز بۇل سپورت تٷرٸن 2026–2030 جىلدارعا دامىتۋ تۇجىرىمداماسىن ەزٸرلەۋدەمٸز. جاقىن ارادا قۇرامىندا زاماناۋي زالدارى مەن تٶرت رينگٸ بار بوكس كافەدراسى اشىلاتىن ۇلتتىق سپورت ۋنيۆەرسيتەتٸ جۇمىسىن باستايدى”, – دەپ حابارلادى ۆەدومستۆو باسشىسى مىرزابوسىنوۆ.
سونداي-اق قازاقستان بوكس فەدەراتسيياسىنىڭ پرەزيدەنتٸ شاحمۇرات مٷتەلٸپوۆ "قۇرمەتتٸ سپورت قىزمەتكەرٸ" تٶسبەلگٸسٸمەن ماراپاتتالدى. ال ۆيتسە-پرەزيدەنت دارحان قىزايباەۆ, ۇوك باس حاتشىسى ەلٸمجان اقاەۆ, فەدەراتسييانىڭ اتقارۋشى ديرەكتورى راۋان يگەنەۆ, باس حاتشى مەرەي اقشالوۆ, ەرلەر قۇراماسىنىڭ باس باپكەرٸ قايرات سەتجانوۆ جەنە ەيەلدەر قۇراماسىنىڭ باس باپكەرٸ ەلدوس سايدالين "قۇرمەت" گراموتاسىن الدى.
سونىمەن قاتار مەديتسينالىق شتاب قىزمەتكەرلەرٸ – دەرٸگەرلەر ايگەرٸم جەكەەۆا مەن تالعات قۇقانوۆ, فيزيولوگ ەرسۋلتان يۋلداشەۆ جەنە ماسساجيست ەلٸبەك ەبٸلوۆكە مينيسترلٸكتٸڭ العىس حاتتارى تابىستالدى.
چەمپيوندار مەن جٷلدەگەرلەر سانجار تاشكەنباي, ماحمۇد سابىرحان, تورەحان سابىرحان, ايبەك ورالباي, نازىم قىزايباي, الۋا بالقىبەكوۆا, ۆيكتورييا گرافەەۆا, ايدا ەبٸكەەۆا, ناتاليا بوگدانوۆا جەنە ەلدانا تەلٸپوۆا دا قۇرمەت گراموتالارى مەن سىياقىلارعا يە بولدى.
ەسكە سالا كەتەيٸك, انگلييادا ٶتكەن جارىستا قازاقستان قۇراماسى 7 التىن, 1 كٷمٸس جەنە 2 قولا مەدال جەڭٸپ الىپ, جالپىكوماندالىق ەسەپتە بٸرٸنشٸ ورىنعا يە بولدى. چەمپيوندار قاتارىندا سانجار تەشكەنباي, ماحمۇد پەن تورەحان سابىرحاندار, ايبەك ورالباي, نازىم قىزايباي, الۋا بالقىبەكوۆا جەنە ۆيكتورييا گرافەەۆا بار.
