پرەزيدەنت قاسىم-جومارت توقاەۆ الماتىدا قازا بولعان پوليتسەيلەردٸ ماراپاتتاۋ تۋرالى جارلىققا قول قويدى, دەپ حابارلايدى Sputnik قازاقستان اقورداعا سٸلتەمە جاساپ.
"قىزمەتتٸك بورىشىن ٷلگٸلٸ اتقارعانى, قۇقىق تەرتٸبٸن قامتاماسىز ەتۋگە بەلسەنە قاتىسقانى ٷشٸن ٸشكٸ ٸستەر مينيسترلٸگٸ الماتى قالاسىنىڭ پوليتسييا دەپارتامەنتٸ پاترۋلدٸك پوليتسييا پولكٸنٸڭ قىزمەت ينسپەكتورى جانعازيەۆ جاراس سۇلتانعاليۇلى (مارقۇم) ٸٸ دەرەجەلٸ "ايبىن" وردەنٸمەن, ٸشكٸ ٸستەر مينيسترلٸگٸ الماتى قالاسىنىڭ پوليتسييا دەپارتامەنتٸ پاترۋلدٸك پوليتسييا پولكٸنٸڭ پوليتسەيٸ ابدىقانوۆ داستان ماراتجانۇلى (مارقۇم) ٸٸٸ دەرەجەلٸ "ايبىن" وردەنٸمەن ناگرادتالسىن", - دەلٸنگەن پرەزيدەنت جارلىعىندا.
جارلىق 2020 جىلدىڭ 26 مامىرىنان باستاپ كٷشٸنە ەندٸ.
الماتى بلوك بەكەتٸندەگٸ وقيعا
25 مامىردا كٶكساي شاعىن اۋدانىنداعى جاڭا عاسىر مەن قوجابەكوۆ كٶشەلەرٸنٸڭ قيىلىسىنداعى №4 بلوك بەكەتتە BMW اۆتوكٶلٸگٸنٸڭ جٷرگٸزۋشٸسٸ الدىمەن قورشاۋعا, سودان كەيٸن ەكٸ پوليتسەي وتىرعان پاترۋلدٸك كٶلٸككە سوعىلدى.
42 جاستاعى پوليتسەي جاراس جانعازيەۆ وقيعا ورنىندا قازا بولدى. ال 26 جاستاعى ەكٸنشٸ پوليتسەي داستان ەبدٸقانوۆ اۋرۋحانادا ەسٸن جيماستان كٶز جۇمدى. وقيعا سالدارىنان زارداپ شەككەن تاعى بٸر پوليتسييا قىزمەتكەرٸ اۋرۋحانادا اۋىر حالدە جاتىر.
كٸنەلٸ ازاماتتىڭ ٸشٸمدٸك ٸشكەنٸ راستالدى. ول بۇرىن ٸشكٸ ٸستەر ورگاندارىندا 6 جىل قىزمەت ەتكەن الاتاۋ اۋدانىنىڭ تۇرعىنى بولىپ شىقتى.
ەكٸ جەنە ودان دا كٶپ ادام ٶلتٸرۋ فاكتٸسٸ بويىنشا 1992 جىلى تۋعان ەر ادامعا قاتىستى قىلمىستىق كودەكستٸڭ 99-بابىنىڭ 2-بٶلٸگٸ بويىنشا سوتقا دەيٸنگٸ تەرگەۋ باستالدى (بۇل باپ بويىنشا 15 جىلدان 20 جىلعا دەيٸنگٸ مەرزٸمگە نەمەسە ٶمٸر بويىنا باس بوستاندىعىنان ايىرۋ جازاسى قاراستىرىلادى).
