بقو جۇقپالى اۋرۋلار اۋرۋحاناسىنىڭ ديرەكتورى نادييا احمەتوۆا قىزمەتٸنەن كەتتٸ, دەپ حابارلايدى "ۇلت اقپارات".
ول ٶز ەركٸمەن جۇمىستان كەتۋ جٶنٸندە ەكٸ مەرتە ٶتٸنٸش تٷسٸرگەن.
ن.احمەتوۆانىڭ سٶزٸنە قاراعاندا, اتالعان مەكەمەدە ٶڭٸردە كوروناۆيرۋستىڭ كەڭٸنەن تارالۋىنا بايلانىستى بٸرقاتار كٷردەلٸ مەسەلە تۋىنداعان. ەمدەۋ مەكەمەلەرٸندە وڭتايلاندىرۋ جٷرۋٸنە بايلانىستى اۋرۋحانادا تٶسەك-ورىنداردىڭ تەڭ جارتىسى قىسقارتىلعاندىقتان, ٸندەت باستالعاننان-اق ورىن جەتٸسپەۋشٸلٸگٸ بايقالعان. بۇعان مەديتسينا قىزمەتكەرلەرٸنٸڭ تاپشىلىعى قوسىلعان. ولاردىڭ بٸرقاتارى ناۋرىزدان بەرٸ ٷيٸنە بارماي, قىزمەت اتقارسا, بٸرقاتارى ٶزدەرٸ ٸندەت جۇقتىرىپ, ەمدەلۋدە.
قازٸرگٸ تاڭدا دەرٸگەر بولىپ جۇمىس ٸستەيتٸن قىزى كوروناۆيرۋسپەن اۋىرىپ قالعاندىقتان, ن.احمەتوۆانىڭ ٶزٸ دە ٷيدە وقشاۋلانۋدا.
بۇدان بۇرىن جازعانىمىزداي, ٶڭٸردە كوروناۆيرۋسپەن اۋىرعانداردىڭ كٶپتٸگٸنە بايلانىستى اتالعان مەكەمە ناۋقاسقا تولىپ قالىپ, قالالىق كٶپبەيٸندٸ اۋرۋحانادا قوسىمشا ورىندار اشىلۋدا.
بۇل جٶنٸندە مەلٸم ەتكەن بقو دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆ نادييا احمەتوۆانىڭ قىزمەتتەن نەگە كەتكەندٸگٸن ايتتى.
«ول بۇدان بٸر اي بۇرىن قىزمەتتەن كەتۋ جٶنٸندە ارىز جازعان بولاتىن. ول كەزدە مەن سابىر ەتۋٸن ٶتٸنٸپ, ٶتٸنٸشٸن قاناعاتتاندىرماعان ەدٸم. بٸرنەشە كٷن ەكٸنشٸ مەرتە ٶتٸنٸش تٷسٸردٸ, بۇل جولى قول قويدىم. بٸزدٸڭ ارامىزدا تالاس-تارتىس بولعان جوق. بەرٸ دە جۇمىس بابىندا بولىپ, شەشٸلٸپ جاتتى. وسىنداي قيىن جاعدايدا جۇمىس ٸستەۋدٸڭ وڭاي ەمەستٸگٸن تٷسٸنەمٸن. قازٸرگٸ كەزدە ديرەكتوردىڭ مٸندەتٸن ۋاقىتشا باسقا ادام اتقارۋدا», دەدٸ ب.قايۋپوۆ.
