بقو باس مەملەكەتتٸك سانيتار دەرٸگەرٸنٸڭ 28 قاڭتارداعى جاڭا قاۋلىسى شىقتى, دەپ حابارلايدى قازاقپارات.
بقو سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, قاشىقتان ٶتكٸزۋ مٷمكٸندٸگٸ بولماعان جاعدايدا كارانتين تالاپتارىن ساقتاي وتىرىپ, جينالىس, كەڭەس, سەمينار, كونفەرەنتسييالاردى دەستٷرلٸ سيپاتتا ٶتكٸزۋگە رۇقسات بەرٸلدٸ.
جالپى بٸلٸم بەرەتٸن مەكتەپتەردە 1-4 سىنىپتار (حالىقارالىق مەكتەپتەردە 1-6 سىنىپتار), وقۋشى سانى 600-دەن اسپايتىن بٸلٸم وردالارىندا بالالار شتاتتىق رەجيمدە وقيدى.
وقۋشى سانى 600-دەن استام مەكتەپتەردە جوبالىق قۋاتىنىڭ 50 پايىزىنان اسپايتىن جٷكتەمەمەن شتاتتىق رەجيمدە بٸلٸم الادى.
مەكتەپتەن تىس ۇيىمدار شتاتتىق رەجيمدە جۇمىس ٸستەيدٸ.
كوللەدجدەر مەن جوعارى وقۋ ورىندارىنىڭ ستۋدەنتتەرٸن وقىتۋ ارالاس فورماتتا: پراكتيكالىق, زەرتحانالىق, سەمينار ساباقتارى, ٶندٸرٸستٸك پراكتيكا – يكەمدٸ كەستە بويىنشا شتاتتىق رەجيمدە, دەرٸستەر – ونلاين.
بٸلٸم بەرۋ ۇيىمى ەكٸمشٸلٸگٸنٸڭ قالاۋى بويىنشا ۆاكتسيناتسييالاۋدىڭ تولىق كۋرسىن العان وقۋشىلاردى شتاتتىق رەجيمدە وقىتۋعا جول بەرٸلەدٸ.
ورتا بٸلٸم بەرۋ ۇيىمدارىندا, كوللەدجدەردە, جوو-لاردا كارانتين رەجيمٸن بۇزۋ انىقتالعان جاعدايدا بٸلٸم الۋشىلاردىڭ بارلىعى قاشىقتان وقىتۋعا كٶشٸرٸلەدٸ.
«Ashyq»جوباسىنا قاتىساتىن نىسانداردى قوسپاعاندا, ويىن-ساۋىق, ۇجىمدىق, وتباسىلىق, ەستەلٸك ٸس-شارالاردى, ونىڭ ٸشٸندە ٷيدە (بانكەتتەر, ٷيلەنۋ تويلارى, مەرەيتويلار جەنە ت.ب.) جەنە ادامدار كٶپ جينالاتىن ٶزگە دە ٸس-شارالاردى ٶتكٸزۋگە جەنە ولارعا قاتىسۋعا بۇرىنعىشا تىيىم سالىنادى.
باسقا دا كارانتيندٸك شەكتەۋ شارالارى ساقتالادى.
قاۋلى 28 قاڭتاردان باستاپ كٷشٸنە ەندٸ.
