تەرەكتٸ اۋدانىنداعى نوۆوپاۆلوۆكا اۋىلىنىڭ تۇرعىندارى ەلدٸ مەكەن اتاۋىن ٶزگەرتۋگە قارسى شىقتى, - دەپ حابارلايدى Massaget.kz پورتالى "موي گورود" سايتىنا سٸلتەمە جاساپ.
اۋىل تۇرعىندارىنىڭ سٶزٸنشە, ەلدٸ مەكەن اتاۋىن ٶزگەرتۋ تۋرالى مەسەلە بىلتىر كٶكتەمنەن بەرٸ قوزعالا باستاعان. تۇرعىندار اۋىلدا قوعامدىق كەڭەس قۇرىلىپ, ەلدٸ مەكەن اتاۋىن ٶزگەرتۋدٸ 200 ادام قولداعانىن ەستٸگەندە تاڭعالعان. جالپى نوۆوپاۆلوۆكا اۋىلىندا 600-گە جۋىق ادام تۇرادى.
"بٸزدٸڭ اۋىلعا 110 جىل بولدى, ونى 1908 جىلى ۋكراينادان قونىس اۋدارۋشىلار قونىستانباعان جەردە قۇردى. مۇندا ەشقانداي ەلدٸ مەكەن بولعان جوق. اۋىلدا كٶپتەگەن تاريحي وقيعا بولعان, اتاۋىن ٶزگەرتۋ تۋرالى بۇرىندارى سٶز قوزعالماعان. مەن وسى جەردە تۋىپ, وسى جەردە ٶستٸم. اۋىلىمىز تاريحي بولمىسىن ساقتاپ قالسا دەيمٸن. ونىڭ ٷستٸنە قوعامدىق كەڭەس بٸزسٸز ٶتكەن, ول دۇرىس ەمەس", - دەيدٸ اۋىل تۇرعىنى ۆيكتور كوپيتچاك.
ەر ادامنىڭ سٶزٸنشە, تەرەكتٸ اۋداندىق ەكٸمدٸگٸ تۇرعىندارعا ەلدٸ مەكەن اتاۋىن ٶزگەرتۋگە كٶنۋٸ كەرەگٸن, سەبەبٸ شەشٸم قابىلدانعانىن ايتقان. ەندٸ اۋىل اتاۋى قۋماقساي دەپ ٶزگەرتٸلمەك. اۋىل تۇرعىندارى وبلىستىق سوتقا شاعىمدانباق.
