Terekti aýdanyndaǵy Novopavlovka aýylynyń turǵyndary eldi meken ataýyn ózgertýge qarsy shyqty, - dep habarlaidy Massaget.kz portaly "Moi GOROD" saityna silteme jasap.
Aýyl turǵyndarynyń sózinshe, eldi meken ataýyn ózgertý týraly másele byltyr kóktemnen beri qozǵala bastaǵan. Turǵyndar aýylda qoǵamdyq keńes qurylyp, eldi meken ataýyn ózgertýdi 200 adam qoldaǵanyn estigende tańǵalǵan. Jalpy Novopavlovka aýylynda 600-ge jýyq adam turady.
"Bizdiń aýylǵa 110 jyl boldy, ony 1908 jyly Ýkrainadan qonys aýdarýshylar qonystanbaǵan jerde qurdy. Munda eshqandai eldi meken bolǵan joq. Aýylda kóptegen tarihi oqiǵa bolǵan, ataýyn ózgertý týraly buryndary sóz qozǵalmaǵan. Men osy jerde týyp, osy jerde óstim. Aýylymyz tarihi bolmysyn saqtap qalsa deimin. Onyń ústine qoǵamdyq keńes bizsiz ótken, ol durys emes", - deidi aýyl turǵyny Viktor Kopitchak.
Er adamnyń sózinshe, Terekti aýdandyq ákimdigi turǵyndarǵa eldi meken ataýyn ózgertýge kónýi keregin, sebebi sheshim qabyldanǵanyn aitqan. Endi aýyl ataýy Qýmaqsai dep ózgertilmek. Aýyl turǵyndary oblystyq sotqa shaǵymdanbaq.
