باتىس قازاقستان وبلىسىندا كوروناۆيرۋسپەن اۋىرعان ناۋقاستىڭ بٸرەۋٸنٸڭ جازىلىپ شىعۋى جاقىن, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنىڭ باسشىسى بولاتبەك كايۋپوۆ بريفينگتە مەلٸم ەتكەندەي, قازٸرگٸ كەزدە وبلىستىق جۇقپالى اۋرۋلار اۋرۋحاناسىندا تٶرت ەمدەلۋشٸ جاتىر.
«بەرٸنٸڭ دە جاعدايى تۇراقتى. سونىڭ ٸشٸندە بٸر ەيەل اۋرۋحانادان شىعۋعا دايىندالۋدا. ودان ەكٸ رەت باقىلاۋ سىناماسى الىنىپ, كوروناۆيرۋستىڭ جوقتىعىن كٶرسەتتٸ. ەندٸ كوميسسييا وڭ شەشٸم قابىلداسا, ٷيٸندە كارانتيندٸك ەم الۋدى جالعاستىرادى», دەدٸ ب.كايۋپوۆ.
ب.كايۋپوۆتىڭ ايتۋىنشا, وبلىستا 92 ادام ستاتسيونارلىق كارانتيندە جاتىر. 3608 ادام ٷيدەن باقىلانۋدا.
ەسكە سالا كەتەيٸك, بۇدان بۇرىن بقو-دا كوروناۆيرۋس جۇقتىرعان ەكٸ ادامنىڭ ٶزبەكستان ازاماتى بولىپ شىققانىن جازعان بولاتىنبىز.
