Batys Qazaqstan oblysynda koronavirýspen aýyrǵan naýqastyń bireýiniń jazylyp shyǵýy jaqyn, dep habarlaidy "Ult aqparat".
Oblystyq densaýlyq saqtaý basqarmasynyń basshysy Bolatbek Kaiýpov brifingte málim etkendei, qazirgi kezde oblystyq juqpaly aýrýlar aýrýhanasynda tórt emdelýshi jatyr.
«Báriniń de jaǵdaiy turaqty. Sonyń ishinde bir áiel aýrýhanadan shyǵýǵa daiyndalýda. Odan eki ret baqylaý synamasy alynyp, koronavirýstyń joqtyǵyn kórsetti. Endi komissiia oń sheshim qabyldasa, úiinde karantindik em alýdy jalǵastyrady», dedi B.Kaiýpov.
B.Kaiýpovtyń aitýynsha, oblysta 92 adam statsionarlyq karantinde jatyr. 3608 adam úiden baqylanýda.
Eske sala keteiik, budan buryn BQO-da koronavirýs juqtyrǵan eki adamnyń Ózbekstan azamaty bolyp shyqqanyn jazǵan bolatynbyz.
