باتىس قازاقستان وبلىسىندا 757,183 ملن تەڭگەگە 154 دانا مەديتسينالىق قۇرىلعى ساتىپ الۋ كٶزدەلٸپ وتىر, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆتىڭ ايتۋىنشا, الداعى كٷزدە كوروناۆيرۋس ٸندەتٸنٸڭ ەكٸنشٸ تولقىنى كەلۋ مٷمكٸندٸگٸ بولجانىپ وتىرعاندىقتان, ٶڭٸردە سوعان الدىن الا قام جاسالۋدا.
اتالعان مەديتسينالىق قۇرىلعىلارعا قوسا 37 سانيتارلىق اۆتوكٶلٸك الۋ, 200 ورىندىق مودۋلدٸ جۇقپالى اۋرۋلار اۋرۋحاناسىن سالۋ جوسپارلانۋدا.
رەسپۋبليكالىق بيۋدجەتتەن جەكە قورعانىس قۇرالدارىن الۋعا 287,7 ملن استام قاراجات بٶلٸندٸ. ال جەرگٸلٸكتٸ قازىنا ەسەبٸنەن مەديتسينالىق قۇرال-جابدىق الۋعا 170 ملن جۋىق تەڭگە قارالدى.
قازٸرگٸ كەزدە كوروناۆيرۋسقا شالدىققانداردى ەمدەۋ ٷشٸن 3445 تٶسەك-ورىن بولسا, سونىڭ 1823-ٸ كارانتيندٸك, 752-سٸ پروۆيزورلىق ستاتسيوناردا, 870-ٸ جۇقپالى اۋرۋلار اۋرۋحاناسىندا. كٷنٸ بٷگٸن بۇلاردىڭ سانى 891 تٶسەك-ورىنعا دەيٸن قىسقاردى.
ب.قايۋپوۆتىڭ سٶزٸنە قاراعاندا, ستاتسيونارلاردا 159 مەديتسينا قىزمەتكەرٸ جۇمىس ٸستەۋدە. جالپى, وبلىستا 1687 دەرٸگەر, 6388 ورتا بۋىن قىزمەتكەرٸ بار. بيىل 64 دەرٸگەر ٶڭٸرگە كەلدٸ. سونداي-اق باتىس قازاقستان جوعارى مەديتسينا كوللەدجٸن بٸتٸرگەن 104 مامان ٸسكە كٸرٸستٸ.
ٶكٸنٸشكە قاراي, 1201 مەديتسينا قىزمەتكەرٸ ٸندەتكە شالدىقتى. كوروناۆيرۋسقا قارسى شارالارعا تارتىلعان قىزمەتكەرلەرگە ٶتەماقى تٶلەۋ ٷشٸن قۇرىلعان ارنايى كوميسسييا 159 ٶتٸنٸشتٸ قاراسا, سونىڭ 101-ٸ قاناعاتتاندىرىلدى. 13 ماتەريالعا قاتىستى دەنساۋلىق ساقتاۋ مينيسترلٸگٸمەن كەلٸسٸلۋدە. ٶتەماقى تٶلەۋ ٷشٸن ماتەريال جيناۋ جالعاسۋدا.
«كٷزدە جرۆج جەنە تۇماۋ ٶرشيتٸندٸكتەن, جەرگٸلٸكتٸ بيۋدجەتتەن 67 مىڭ دانا ەكپە ساتىپ الىنۋدا. قوسىمشا 83 مىڭ دانا ەكپەگە ٶتٸنٸم بەرٸلدٸ. ماۋسىمدىق اۋرۋعا كوۆيد قوسىلسا, جاعداي كٷردەلەنٸپ كەتۋٸ ىقتيمال. سوندىقتان قوسىمشا 590 تٶسەك-ورىن ەزٸرلەندٸ. ەربٸر مەديتسينا مەكەمەسٸندە ەكٸ ايعا جەتەتٸن دەرٸ-دەرمەك قورى بار. 123 موبيلدٸ بريگادا جۇمىسقا دايىن. وبلىستا قازٸر 130 يۆل اپپاراتى, 451 وتتەگٸ كونتسەنتراتورى, 172 بوبروۆ اپپاراتى, 10 توموگراف, 47 رەنتگەن اپپاراتى بار. قاجەتتٸ مەديتسينالىق جابدىق الۋ بۇدان بىلاي دا جالعاسادى. ٶڭٸردە كٷن سايىن ونشاقتى ادامنىڭ كوۆيدپەن اۋىرعانى تٸركەلٸپ وتىرعاندىقتان, بوساڭسۋعا بولمايدى», دەدٸ بولاتبەك امانگەلدٸۇلى.
