باتىس قازاقستان وبلىسىندا 2,4 توننا بالىقتى زاڭسىز تاسىمالداعان ەكٸ اۆتوكٶلٸك ۇستالدى, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, اتالعان قىلمىس «بەكٸرە» جەدەل الدىن الۋ ٸس-شاراسى اياسىندا انىقتالدى.
ورال-اتىراۋ جولى بويىندا اقجايىق اۋدانى اقسۋات اۋىلى ماڭىندا 1976 جىلعى جٷرگٸزۋشٸ ايداپ كەلە جاتقان «گازەل» اۆتوكٶلٸگٸ توقتاتىلدى. ول 1298 كگ قارا بالىقتى زاڭدى قۇجاتتارسىز الىپ كەلە جاتقان.
سونداي-اق 14 سەۋٸر كٷنٸ ساعات شامامەن 20.00-دە تەرەكتٸ اۋدانى پودستەپنىي اۋىلىندا سالىنىپ جاتقان ٷيدٸڭ اۋماعىندا 1991 جىلعى جٷرگٸزۋشٸنٸڭ اۆتوكٶلٸگٸ ۇستالدى. بۇل اۆتوكٶلٸكتەن تيٸستٸ قۇجاتتارى جوق 1 168 كگ قارا بالىق شىقتى.
تەركٸلەنگەن بالىق پەن ۋىلدىرىق «كاسپيي ۋرال» جشس-نا ساقتاۋعا تاپسىرىلدى.
قازٸرگٸ كەزدە ەكٸ وقيعا بويىنشا قر قك 196-بابى 1-بٶلٸگٸنە (كٶرٸنەۋ قىلمىستىق جولمەن تابىلعان مٷلٸكتٸ يەمدەنۋ نەمەسە ٶتكٸزۋ) سەيكەس سوتقا دەيٸنگٸ تەرگەۋ امالدارى جٷرگٸزٸلۋدە.
